ეროვნული მუზეუმიდან გათავისუფლებული თანამშრომლები პროტესტს განაგრძობენ

© photo: Sputnikეროვნული მუზეუმი
ეროვნული მუზეუმი - Sputnik საქართველო, 1920, 17.06.2022
გამოწერა
Yandex newsTelegram
მომიტინგეებმა განაცხადეს, რომ კულტურის სფეროში დესტრუქციული პროცესები დაიწყო.
თბილისი, 17 ივნისი – Sputnik. საქართველოს ეროვნული მუზეუმიდან გათავისუფლებულმა თანამშრომლებმა მეცნიერების, განათლებისა და კულტურის პროფესიული კავშირის წარმომადგენლებთან ერთად მუზეუმთან გამართეს საპროტესტო აქცია „სამართლიანობა გაიმარჯვებს“.
ეროვნულ მუზეუმში რეორგანიზაცია მას შემდეგ დაიწყო, რაც კულტურის სამინისტრომ მუზეუმის ახალი ხელმძღვანელობა დანიშნა. შედეგად რამდენიმე ათეული თანამშრომელი გაათავისუფლეს.
მომიტინგეებმა განაცხადეს, რომ კულტურის სფეროში დესტრუქციული პროცესები დაიწყო და განსაკუთრებით აღნიშნეს ადამიანის უფლებების დარღვევის პოლიტიკა საქართველოს კულტურის სამინისტროს უწყებებში.
ისინი კიდევ ერთხელ გამოვიდნენ მოწოდებით, დაცული იყოს კულტურის სფეროში დასაქმებულების შრომითი უფლებები.
ეროვნულ მუზეუმში სტრუქტურული ცვლილებები განხორციელდა>>
გათავისუფლებულებს შორის აღმოჩნდა იულონ გაგოშიძე – ცნობილი ქართველი არქეოლოგი, მეცნიერი და პოლიტიკოსი, რომელსაც 2007 წლის ნოემბრიდან 2009 წლის დეკემბრამდე დიასპორის საკითხებში სახელმწიფო მინისტრის თანამდებობა ეკავა.
მუზეუმის რეორგანიზაციის პროცესი აპრილში დაიწყო. დამტკიცდა ცენტრალური აპარატის ახალი სტრუქტურა – განყოფილებების რაოდენობა 15-დან 10-მდე შემცირდა.
ყველა ახალი ამბავი
0