„კალაშნიკოვი“, „აბრეზი“, ხელყუმბარა: შსს-მ უკანონო ცეცხლსასროლი იარაღი ამოიღო

© photo: Sputnik / Alexander Imedashviliსაპატრულო პოლიცია
საპატრულო პოლიცია - Sputnik საქართველო, 1920, 16.06.2022
გამოწერა
Yandex newsTelegram
ბრალის დამტკიცების შემთხვევაში დაკავებულებს 3-დან 7 წლამდე ვადით თავისუფლების აღკვეთა ემუქრებათ.
თბილისი, 16 ივნისი — Sputnik. თბილისში, შიდა ქართლის, იმერეთის, სამეგრელო–ზემო სვანეთისა და კახეთის რეგიონებში ცეცხლსასროლი იარაღისა და საბრძოლო მასალის უკანონო შეძენა-შენახვისა და ტარების ბრალდებით შვიდი პირი დააკავეს. ინფორმაციას შინაგან საქმეთა სამინისტრო ავრცელებს.
უწყების ცნობით, დაკავებულთა შორის, რომელთა ასაკიც 26-დან 48 წლამდეა, არიან წარსულში ნასამართლევი პირებიც.
დაკავებულთა პირადი და საცხოვრებელი სახლების ჩხრეკისას სამართალდამცველებმა ნივთმტკიცებად ამოიღეს: „ეფ-1“ ტიპის ხელყუმბარა, გადაჭრილი სანადირო თოფი - ე.წ. აბრეზი, კალაშნიკოვის სისტემის „აკა-47“-ის მოდელის ავტომატი, კუსტარულად დამზადებული პისტოლეტ-ტყვიამფრქვევი, 3 პისტოლეტი, 2 რევოლვერი, სხვადასხვა ტიპის ცეცხლსასროლი იარაღისთვის განკუთვნილი 4 მჭიდი და 60 საბრძოლო ვაზნა.
საქმეზე გამოძიება ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის და ტარების ფაქტებზე მიმდინარეობს. დანაშაულები 3-დან 7 წლამდე ვადით თავისუფლების აღკვეთას ითვალისწინებს.
ყველა ახალი ამბავი
0