Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

მოგზაურობის მოყვარულთა საყურადღებოდ! საქართველოში შემოსვლის წესები კიდევ გამარტივდა

© photo: Sputnik / Stringerთბილისის აეროპორტი
თბილისის აეროპორტი - Sputnik საქართველო, 1920, 15.06.2022
გამოწერა
შესაბამისი ცვლილებები ძალაში 15 ივნისიდან შევიდა.
თბილისი, 15 ივნისი — Sputnik. უცხოელები და საქართველოს მოქალაქეები ქვეყნის ტერიტორიაზე შემოსვლისას ამიერიდან ვაქცინაციის სრული კურსის დამადასტურებელი დოკუმენტისა და უარყოფითი PCR–ტესტის წარდგენისგან თავისუფლდებიან.
შესაბამისი ცვლილებები „იზოლაციისა და კარანტინის წესების დამტკიცების შესახებ“ საქართველოს მთავრობის დადგენილებაში შევიდა, რომელიც 15 ივნისიდან უკვე ძალაშია. დოკუმენტს ხელს პრემიერ-მინისტრი ირაკლი ღარიბაშვილი აწერს.
2022 წლის თებერვლიდან საქართველოში ეპიდემიოლოგიურმა მდგომარეობამ გაუმჯობესება დაიწყო, შესაბამისად, ხელისუფლებამ კოვიდ-შეზღუდვების გაუქმება დაიწყო. მოქმედი რეგულაციებიდან ძალაში რჩება სამედიცინო დაწესებულებებსა და საზოგადოებრივ ტრანსპორტში პირბადის ტარების ვალდებულება.
ქვეყანაში შემოსვლის წესები 1 მარტიდან ვაქცინირებული პირებისთვის გამარტივდა. მათ მოეთხოვებოდათ მხოლოდ ვაქცინაციის სრული კურსის ჩატარების დამადასტურებელი დოკუმენტის წარდგენა.
არავაქცინირებულ პირები კი ვალდებული იყვნენ წარედგინათ საზღვრის კვეთამდე 72 საათით ადრე ჩატარებული უარყოფითი PCR–ტესტის დამადასტურებელი დოკუმენტი. ხოლო ქვეყანაში შემოსვლიდან მესამე დღეს PCR–ტესტის გაკეთების ვალდებულება მოიხსნა.
საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.
ქვეყანამ კორონავირუსის ექვსი ტალღა გადაიარა, გასული წლის დეკემბერში საქართველოში ახალი „ომიკრონ“ შტამით ინფიცირების პირველი შემთხვევა დაფიქსირდა.
პანდემიის დაწყებიდან დღემდე ქვეყანაში კორონავირუსით ინფიცირების 1,6 მილიონზე მეტი შემთხვევა გამოვლინდა.
ყველა ახალი ამბავი
0