მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ისრაელი ირანული საფრთხის წინააღმდეგ რეგიონული კოალიციის შექმნას მოითხოვს

© photo: Sputnik / Alexey Kudenko / ფოტობანკში გადასვლა
  - Sputnik საქართველო, 1920, 15.06.2022
გამოწერა
Yandex newsTelegram
თბილისი, 15 ივნისი — Sputnik. ირანის წინააღმდეგ რეგიონული კოალიციის შექმნა აუცილებელია, განაცხადა ისრაელის თავდაცვის მინისტრმა ბენი განცმა სამხედრო მოსამსახურეების დაჯილდოების ცერემონიაზე.
„ირანს გამორთული აქვს კამერები თავის ბირთვულ ობიექტებზე, აფართოებს თავდასხმის ოპერაციებს რეგიონში, უარს ამბობს ბირთვულ გარიგებაზე შეთანხმების მიღწევაზე და განაგრძობს ამ პროცესისთვის გამოწვევების შექმნას“, — აღნიშნა განცმა.
მისი აზრით, ირანის წინააღმდეგ რეგიონული კოალიცია შეერთებული შტატების ეგიდით უნდა შეიქმნას.

„საჭიროა არა მხოლოდ თანამშრომლობა, არამედ ძალების რეგიონული გაერთიანება აშშ-ის ხელმძღვანელობით, რაც გააძლიერებს ყველა ჩართულ მხარეს“, – მიაჩნია მინისტრს.

განცის თქმით, ის ღრმა ურთიერთობები, რომელიც ამერიკელ პარტნიორებთან და მოკავშირეებთან, ასევე რეგიონის ქვეყნებთან დამყარდა ბოლო წლებში, „ისრაელის წარმატების მნიშვნელოვანი ელემენტია“.
მანამდე ისრაელის პრემიერ-მინისტრმა ნაფტალი ბენეტმა განაცხადა, რომ მისი ქვეყნის პოლიტიკა ირანის მიმართ „გასული წლის განმავლობაში შეიცვალა“. გამოიყენა რა ტერმინი „რვაფეხა“ ირანთან დაკავშირებით, მან აღნიშნა, რომ ისრაელის ხელისუფლება მოქმედებს „არა მხოლოდ საცეცების, არამედ თავის წინააღმდეგაც“.
ირანსა და დასავლეთს შორის ჩიხში შესული მოლაპარაკებების ფონზე, რომლის მიზანიცაა 2015 წლის ბირთვული შეთანხმების აღდგენა, ბოლო კვირების განმავლობაში დაძაბულობა გაიზარდა.
წყარო: Anadolu
ყველა ახალი ამბავი
0