მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ზელენსკიმ შოლცს მოუწოდა, შეწყვიტოს კიევსა და მოსკოვს შორის ბალანსირება

© AP Photo / Ukrainian Presidential Press Office
  - Sputnik საქართველო, 1920, 14.06.2022
გამოწერა
Yandex newsTelegram
თბილისი, 14 ივნისი − Sputnik. გერმანიისა და უკრაინის ხელმძღვანელობას შორის „გარკვეული სკეპტიციზმი“ არსებობს, რომელიც ჯერ კიდევ ოლაფ შოლცის კანცლერად არჩევამდე წარმოიშვა, განაცხადა უკრაინის პრეზიდენტმა ვოლოდიმირ ზელენსკიმ.
მისი თქმით, გერმანია სკეპტიკურად უყურებს უკრაინის გაწევრიანებას ევროკავშირსა და ნატოში.

„ვფიქრობ, გერმანიისა და უკრაინის ხელმძღვანელობების ურთიერთობებში გარკვეული სკეპტიციზმი არსებობს. <...> ეს სკეპტიციზმი, უპირველეს ყოვლისა, მაშინ იჩენს თავს, როდესაც საუბარია უკრაინის ევროკავშირსა და ნატოში გაწევრიანებაზე. სამწუხაროდ, ეს სკეპტიციზმი კანცლერ შოლცამდეც იგრძნობოდა. ასეთი დამოკიდებულება იყო და დარწმუნებული ვარ, რომ ეს დამოკიდებულება შეიცვლება“, − განაცხადა ზელენსკიმ ZDF-თან ინტერვიუში.

ამასთან უკრაინის პრეზიდენტმა ორი ქვეყნის ხალხებს შორის ურთიერთობები „შესანიშნავად“ შეაფასა, ხოლო შოლცი რუსეთთან ურთიერთობის შენარჩუნების მცდელობის გამო გააკრიტიკა.
„ჩვენ გვჭირდება, კანცლერმა შოლცმა დაგვარწმუნოს, რომ გერმანია მხარს დაუჭერს უკრაინას. მან და მისმა მთავრობამ უნდა მიიღონ გადაწყვეტილება. არ შეიძლება ცდილობდნენ უკრაინასა და რუსეთს შორის ბალანსირებას. პრიორიტეტები უნდა აირჩიონ“, − აღნიშნა ზელენსკიმ.
მანამდე უკრაინის ელჩმა გერმანიაში ანდრეი მელნიკმა ბერლინი შეიარაღების მიწოდების დაყოვნებაში დაადანაშაულა. Die Welt-ის მონაცემებით, გერმანიამ უკრაინას იარაღის მიწოდებები მარტის ბოლოდან მინიმუმამდე შეუმცირა. ივნისის დასაწყისში ოლაფ შოლცმა განაცხადა, რომ გერმანია უკრაინას საჰაერო თავდაცვის სისტემა IRIS-T SLM-ს გადასცემდა, თუმცა გერმანიის თავდაცვის სამინისტრომ განმარტა, რომ ეს სისტემები არ ჰქონდათ.
წყარო: ZDF
ყველა ახალი ამბავი
0