ბათუმში შშმ პირთა დასაქმების ფორუმი გაიმართება

© photo: Sputnikშშმ პირთათვის ადაპტირებული პლაჟი აჭარაში
შშმ პირთათვის ადაპტირებული პლაჟი აჭარაში - Sputnik საქართველო, 1920, 14.06.2022
გამოწერა
ფორუმში აჭარაში მოქმედი 20-მდე მცირე, საშუალო და მსხვილი კომპანია მიიღებს მონაწილეობას.
თბილისი, 14 ივნისი – Sputnik. ბათუმში 15 ივნისს შეზღუდული შესაძლებლობის მქონე პირთა დასაქმების ფორუმი გაიმართება, იუწყება დევნილთა, შრომის, ჯანმრთელობისა და სოციალური დაცვის სამინისტრო.
ფორუმში აჭარაში მოქმედი 20-მდე მცირე, საშუალო და მსხვილი კომპანია მიიღებს მონაწილეობას. ვაკანსიები წარმოდგენილი იქნება სასტუმრო, სარესტორნო, სავაჭრო, სამრეწველო, საბანკო და სხვა სფეროებიდან.
დასაქმების ფორუმი სასტუმრო „ჰილტონ ბათუმში" 11:00-დან 15:00 საათამდე გაიმართება.
ღონისძიების მიზანია აჭარის რეგიონში მცხოვრები დასაქმების მსურველი შშმ პირებისა და სოციალური პასუხისმგებლობის მქონე დამსაქმებლების ერთიან სივრცეში დაკავშირება და დასაქმების, სტაჟირებისა და სუბსიდირების პროგრამების ხელშეწყობა.
ფორუმი დასაქმების ხელშეწყობის სახელმწიფო სააგენტოსა და აჭარის დასაქმების სააგენტოს ორგანიზებით გაიმართება.
ყველა ახალი ამბავი
0