ბაქოდან ბათუმში პირდაპირი რეისები განახლდა

© Sputnik / Alexander Imedashviliბათუმის აეროპორტი
ბათუმის აეროპორტი - Sputnik საქართველო, 1920, 03.06.2022
გამოწერა
Yandex newsTelegram
პანდემიის შემდეგ ბაქო–ბათუმს შორის ეს პირველი რეისია.
თბილისი, 3 ივნისი — Sputnik. დღეს ავიაკომპანია „აზერბაიჯან ეარლაინმა" ბათუმში პირველი რეისი შეასრულა, რომელსაც ბაქოდან 100-მდე ტურისტი ჩამოჰყვა, იუწყება აჭარის ტურიზმისა და კურორტების დეპარტამენტი.
უწყების ინფორმაციით, პანდემიის შემდეგ ბაქო–ბათუმს შორის ეს პირველი რეისია. ფრენები ზაფხულის განმავლობაში ივნისის ბოლომდე კვირაში ორჯერ, ივლისიდან კი სამჯერ შესრულდება, რაც რეგიონში აზერბაიჯანელი ტურისტების შემოსვლას შეუწყობს ხელს.
ავიაკომპანია „აზერბაიჯან ეარლაინსის" პირველ მგზავრებს აეროპორტში ფოლკლორული შოუთი დახვდნენ.
აზერბაიჯანელ ტურისტებს ბათუმის საერთაშორისო აეროპორტში აჭარის ტურიზმის დეპარტამენტის ხელმძღვანელი თინათინ ზოიძე და აზერბაიჯანის კონსული პარვიზ ისმაილზადა დახვდნენ.
ტაშკენტსა და ბათუმს შორის პირველი ავიარეისი შესრულდა>>
მიმდინარე წელს ბათუმის აეროპორტში ფრენების რაოდენობის მზარდი დინამიკაა. არსებული მონაცემებით, ბათუმის მიმართულებით ფრენები ხუთმა ახალმა ავიაკომპანიამ დაიწყო: Airbaltic, Flydeal, Jordan Aviation, Aseman და Uzbekistan Airways. მათ შორის ავიაკომპანიებმა Airbaltic და Uzbekistan Airways ფრენები წელს პირველად შეასრულეს რიგიდან და ტაშკენტიდან.
ივნისის განმავლობაში ბათუმის მიმართულებით 300-მდე ფრენააა დაგეგმილი 12 ქვეყნიდან.
ყველა ახალი ამბავი
0