ფიქსირებული ინტერნეტით საქართველოში უკვე მილიონზე მეტი აბონენტი სარგებლობს

© photo: Sputnikკომპიუტერის კლავიატურა
კომპიუტერის კლავიატურა - Sputnik საქართველო, 1920, 01.06.2022
გამოწერა
Yandex newsTelegram
კომუნიკაციების კომისის ანგარიშის თანახმად, 2020 წელთან შედარებით, აბონენტების რაოდენობა 4,3%-ით, ანუ 41 ათასი აბონენტით გაიზარდა.
თბილისი, 1 ივნისი — Sputnik. 2021 წელს ფიქსირებული ფართოზოლოვანი ინტერნეტ-მომსახურების აბონენტების რაოდენობამ 1.009.000 შეადგინა, საიდანაც 962 ათასი აბონენტი ფიზიკური პირია, ნათქვამია კომუნიკაციების კომისიის ანგარიშში, რომელიც უწყების გვერდზე გამოქვეყნდა.
ანგარიშის თანახმად, 2020 წელთან შედარებით, აბონენტების რაოდენობა 4,3%-ით, 41 ათასი აბონენტით გაიზარდა.
2021 წელს, წინა წელთან შედარებით, ფიქსირებული ინტერნეტი ქვეყნის მასშტაბით 158 სოფლით მეტს მიეწოდება.

„საქართველოში ფიქსირებული ფართოზოლოვანი ინტერნეტ-მომსახურება როგორც აბონენტების რაოდენობით, ისე შემოსავლების კუთხით კვლავ მზარდი ტენდენციით ხასიათდება. სააბონენტო სიმკვრივე შინამეურნეობაზე 86,7%-ია", – აღნიშნულია ანგარიშში.

ფიზიკური პირი აბონენტების ყველაზე დიდი რაოდენობა – 474 ათასი „მაგთიკომს" ჰყავს, 286 ათასი – „სილქნეტს", 59 ათასი აბონენტი – „ახალი ქსელების ჯგუფს", 50 ათასი – „სქაიტელს", ხოლო კიდევ 94 ათასი აბონენტი სხვადასხვა მცირე და საშუალო კომპანიებზე ნაწილდება.
2021 წელს, 2020 წლის მსგავსად, აბონენტების რაოდენობა უფრო მეტად რეგიონებში გაიზარდა. წინა წელთან შედარებით, რეგიონებში აბონენტების რაოდენობის ზრდამ 7% შეადგინა.
„თბილისში ფართოზოლოვანი ინტერნეტ-მომსახურების ბაზარი თითქმის სრულად გაჯერებულია. რაც შეეხება დიდ ქალაქებსა და სოფლებს, განსაკუთრებით იმ მუნიციპალიტეტებში, სადაც ოპტიკურ-ბოჭკოვანი ქსელი ვითარდება, ფიქსირებული ფართოზოლოვანი მომსახურების აბონენტების რაოდენობა მნიშვნელოვნად იზრდება", – ნათქვამია ინფორმაციაში.
კომისიის ცნობით, ფიქსირებული ფართოზოლოვანი ინტერნეტ-მომსახურება საქართველოს ყველა ქალაქსა და დაბაში ხელმისაწვდომია, ხოლო საქართველოში არსებული 3.385 სოფლიდან ინტერნეტი 2.351 სოფელშია ხელმისაწვდომი.
„ფართოზოლოვანი კავშირი" პრაქტიკაში დამკვიდრებულია, როგორც მაღალსიჩქარიანი და უწყვეტი ინტერნეტ-კავშირის აღმნიშვნელი ტერმინი.
მომხმარებლები კომპიუტერებთან - Sputnik საქართველო, 1920, 26.09.2021
„საქართველოში ინტერნეტი თავისუფალია, მაგრამ...“ - Freedom House პრობლემებზე მიუთითებს
ფართოზოლოვანი მომსახურება საშუალებას იძლევა მიიღოთ ის მომსახურება, რომელიც ინტერნეტის ქსელთან დაბალსიჩქარიანი კავშირის შემთხვევაში ხელმისაწვდომი არაა, მაგალითად, ინტერენტ-ტელეფონი, ვიდეოზარი, ონლაინ ვიდეომომსახურება...
ფართოზოლოვანი ინფრასტრუქტურის განვითარების პარალელურად საქართველოს მთავრობის ინტერნეტიზაციის სახელმწიფო პროგრამის მხარდაჭერის მიზნით მსოფლიო ბანკისა და ევროპის საინვესტიციო ბანკის თანადაფინანსებით Log-in Georgia-ს პროექტი ხორციელდება. პროექტის მიზანი 1.000 სოფლის 500.000-მდე ფიზიკური პირისთვის მაღალი ხარისხის და შეღავათიანი ინტერნეტ-მომსახურების მიწოდების შესაძლებლობის შექმნა და ციფრული სერვისების გამოყენების ხელშეწყობაა.
ყველა ახალი ამბავი
0