გაფიცვაში „ბორჯომის“ ქარხნების ყველა თანამშრომელი მონაწილეობს - პროფკავშირის თავმჯდომარე

© photo: Sputnik / Stringerსაპროტრესტო აქცია „ბორჯომის“ ქარხანასთან
საპროტრესტო აქცია „ბორჯომის“ ქარხანასთან - Sputnik საქართველო, 1920, 31.05.2022
გამოწერა
Yandex newsTelegram
კომპანიის ადმინისტრაცია გაფიცულების დაშინების მცდელობაში დაადანაშაულეს.
თბილისი, 31 მაისი – Sputnik. დარგობრივი პროფკავშირის თავმჯდომარემ გიორგი დიასამიძემ უარყო მინერალური წყალი „ბორჯომის“ პირველი ქარხნის დირექტორის მერაბ ახმეტელის განცხადება იმის თაობაზე, რომ ქარხნების ყველა თანამშრომელი არ არის გაფიცული.
უფრო ადრე ახმეტელმა განაცხადა, რომ ქარხნის თანამშრომელთა ნაწილი განაგრძობს მუშაობას. მან ასევე აღნიშნა, რომ ამჟამინდელ ფინანსურ ვითარებაში შეუძლებელია თანამშრომლებისთვის ხელფასის 25%-ით მომატება.
დიასამიძის განცხადებით, №1 и №2 ქარხნების ყველა თანამშრომელი გაფიცულია, გარდა ადმინისტრაციის, მენეჯმენტის წარმომადგენლებისა. მისი თქმით, თუ წყლის ჩამოსხმა გრძელდება, მაშინ ამას მხოლოდ ადმინისტრაციის წარმომადგენლები აკეთებენ.
პროფკავშირის თავმჯდომარემ კომპანიის ადმინისტრაცია გაფიცულების დაშინების მცდელობაში დაადანაშაულა, რათა ისინი სამუშაო ადგილებს დაუბრუნდნენ.
კომპანია „ბორჯომის“ ქარხანაში დასაქმებულებმა უვადო და სრულმასშტაბიანი გაფიცვა 31 მაისს გამოაცხადეს, ქარხნებში მუშაობა შეწყდა. ისინი გათავისუფლებული თანამშრომლების სამსახურში აღდგენას, კუთვნილი ანაზღაურების მიღებას და ხელფასების 25%-ით გაზრდას, გრძელვადიანი ხელშეკრულებების გაფორმებას, შანტაჟის ფაქტების აღმოფხვრას და თანამშრომლების დაშინებაში მონაწილეთა გათავისუფლებას მოითხოვენ.
„ბორჯომის“ ქარხნებში მუშაობა პარალიზებულია>>
აპრილის ბოლოს კომპანიამ IDS Borjomi უკრაინაში შექმნილი სიტუაციით გამოწვეული ფინანსური პრობლემების გამო საქართველოში წარმოების დროებით შეჩერების შესახებ განაცხადა. მუშებს ახალი პირობები შესთავაზეს, რასაც მათი ნაწილი არ დაეთანხმა და საპროტესტო აქცია დაიწყო. შედეგად – 49 ადამიანი გაათავისუფლეს.
დიასამიძის თქმით, კომპანიის ხელმძღვანელობამ გაათავისუფლა მუშა პერსონალი, მაგრამ შემცირება ადმინისტრაციის თანამშრომლებს არ შეხებია.
ყველა ახალი ამბავი
0