მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ჯანმო: ზოგ ქვეყანაში მაიმუნის ყვავილის ერთი შემთხვევაც კი ეპიდემიად განიხილება

© photo: Sputnik / Alexey Vitvitskiyჯანმო
ჯანმო - Sputnik საქართველო, 1920, 30.05.2022
გამოწერა
НовостиTelegram
თბილისი, 30 მაისი — Sputnik. ჯანმრთელობის მსოფლიო ორგანიზაციამ (ჯანმო) მაიმუნის ყვავილის 257 დადასტურებული და 120 საეჭვო შემთხვევა დააფიქსირა მსოფლიოს 23 ქვეყანაში, ნათქვამია ჯანმოს ახალ ანგარიშში.
აღინიშნება, რომ დაავადებით გამოწვეული ლეტალური შემთხვევები ჯერ არ გამოვლენილა.
როგორც ორგანიზაციაში აცხადებენ, იქიდან გამომდინარე, რომ რამდენიმე ქვეყანაში დაავადება უეცრად და ერთდროულად გაჩნდა, მათ შორის არაენდემურ რაიონებში, ვირუსი, შესაძლოა, მის შემჩნევამდეც ვრცელდებოდა გარკვეული პერიოდის განმავლობაში.

„ეპიდემიოლოგიური გამოკვლევები გრძელდება. დაფიქსირებული შემთხვევების აბსოლუტურ უმრავლესობას ჯერჯერობით არ აქვს დადგენილი სამოგზაურო კავშირები ენდემურ ზონასთან <...> მაიმუნის ყვავილის დადასტურებული და საეჭვო შემთხვევების გამოვლენა ენდემურ ზონასთან პირდაპირი კავშირის გარეშე ატიპიურია“, — ნათქვამია ჯანმოს ახალ ანგარიშში.

ამასთანავე ანგარიშში აღინიშნება, რომ არაენდემურ ქვეყანაში მაიმუნის ყვავილის ერთი შემთხვევაც კი უკვე ეპიდემიად განიხილება.
როგორც ორგანიზაციაში განმარტავენ, მაიმუნის ყვავილით ინფიცირების შემთხვევები ძირითადად დაფიქსირებულია „მამაკაცებში, რომლებსაც სექსუალური კონტაქტები აქვთ მამაკაცებთან“.
  - Sputnik საქართველო, 1920, 23.05.2022
მაიმუნის ყვავილის საწყისი სიმპტომები და რისკის ჯგუფები: ბრიტანელი ექიმების განმარტება
Monkeypox (მაიმუნის ყვავილი) იშვიათი ზოონოზური ვირუსული ინფექციაა, რომლის სიმპტომებიც ძალიან ჰგავს ჩვეულებრივი ყვავილის სიმპტომებს. მაიმუნის ყვავილის ვირუსი ადამიანს ავადმყოფის ინფიცირებით დაზიანებულ კერებთან, ბიოლოგიურ სითხეებთან და ვირუსით დაბინძურებულ ქსოვილებთან (მაგალითად, ლოგინის თეთრეული) მჭიდრო კონტაქტითა და ასევე ჰაერ-წვეთოვანი გზით გადაეცემა. საინკუბაციო პერიოდი 6-13 დღეს მოიცავს, თუმცა შესაძლოა 5-21 დღემდე გაგრძელდეს. მაიმუნის ყვავილის ეპიდემიის სიკვდილიანობის მაჩვენებელი 1%-დან 10%-მდე მერყეობს.
ჯანმრთელობის მსოფლიო ორგანიზაციამ 27 მაისს განაცხადა, რომ მაიმუნის ყვავილი ამ ეტაპზე არ განიხილება საზოგადოებრივი ჯანმრთელობის პრობლემად ან მასობრივი ვაქცინაციის დაწყების მიზეზად.
ყველა ახალი ამბავი
0