მაიმუნის ყვავილის საწყისი სიმპტომები და რისკის ჯგუფები: ბრიტანელი ექიმების განმარტება
15:52 23.05.2022 (განახლებულია: 10:48 17.08.2023)
© photo: Sputnik / Ilya Pitalev
/ გამოწერა
თბილისი, 23 მაისი — Sputnik. მაიმუნის ყვავილი, რომელიც, ჯანმრთელობის მსოფლიო ორგანიზაციის მონაცემებით, უკვე 92 ქვეყანაშია გამოვლენილი, იშვითი ინფექციაა, რომელსაც ძირითადად ველური ცხოველები ავრცელებენ დასავლეთი და ცენტრალური აფრიკის ზოგ რეგიონში.
როგორც დიდი ბრიტანეთის ჯანმრთელობის უსაფრთხოების სააგენტოს (UKHSA) ახალ სახელმძღვანელოშია ნათქვამი, პირი, რომელსაც „პირდაპირი კონტაქტი“ ჰქონდა მაიმუნის ყვავილთან, 21-დღიან კარანტინში უნდა მოთავსდეს.
ასეთებს ხაზგასმით ურჩევენ, თავი აარიდონ ადამიანებთან ურთიერთობას, განსაკუთრებით კი ორსულებთან და 12 წლამდე ბავშვებთან.
Monkeypox virus was first identified in 1958 among laboratory monkeys in Copenhagen, Denmark.
— K.Diallo ☭ (@nyeusi_waasi) May 21, 2022
The 2022 monkeypox outbreak which began in the United Kingdom with subsequent cases confirmed in Europe, North America and Australia.
western media : pic.twitter.com/fRO9MD8KlA
იგივე რეკომენდაცია ვრცელდება მათზეც, ვისაც მაიმუნის ყვავილთან საყოფაცხოვრებო შეხება ჰქონია. იგულისხმება სქესობრივი, ასევე ინფიცირებულის ბიოლოგიურ სითხეებთან (თვალებიდან, პირიდან თუ ცხვირიდან) კონტაქტი.
როგორც UKHSA-ს სპეციალისტები აღნიშნავენ, მაღალი რისკის კონტაქტად ასევე მიიჩნევა ინფიცირებულისთვის ლოგინის თეთრეულის გამოცვლა სპეციალური დამცავი საშუალებების გარეშე.
როგორც სააგენტოს მთავარი სამედიცინო მრჩეველი, დოქტორი სუზან ჰოპკინსი აცხადებს, მიუხედავად იმისა, რომ მაიმუნის ყვავილი, „როგორც წესი, ძნელად გადადის ადამიანიდან ადამიანზე“, აუცილებელია ყურადღება მიექცეს ისეთ სიმპტომებს, როგორებიცაა:
ციებ-ცხელება,
თავის ტკივილი,
კუნთების ტკივილი,
ზურგის ტკივილი,
ლიმფური კვანძების გადიდება კისრის არეში, იღლიებსა და საზარდულში (მიიჩნევა ძირითად ნიშნად, რომელიც ექიმებს საშუალებას აძლევს, განასხვავონ მაიმუნის ყვავილი ჩვეულებრივი ყვავილისგან),
ჟრჟოლა სხეულში,
სისუსტე,
უჩვეულო გამონაყარი, რომელიც თავდაპირველად სახეზე ჩნდება, შემდეგ კი სხეულის სხვა ნაწილებზეც ვრცელდება — სასქესო ორგანოების ჩათვლით.
მისი თქმით, სწორედ ეს ნიშნები მიიჩნევა მაიმუნის ყვავილის საწყის სიმპტომებად.
ამასთან დოქტორი განმარტავს, რომ გამონაყარი იცვლება და რამდენიმე სტადიას გადის — ის შესაძლოა ჰგავდეს ჩუტყვავილას ან სიფილისს, სანამ ქერქი საბოლოოდ ჩამოყალიბდება.
მაიმუნის ყვავილის სიმპტომები ინფიცირებიდან 5-21 დღის შუალედში ჩნდება.
მიუხედავად იმისა, რომ მის წინააღმდეგ სპეციალური ვაქცინა არ არსებობს, სპეციალისტები ირწმუნებიან, რომ ჩვეულებრივი ყვავილის ვაქცინა (MVA-BN) 85%-იან ეფექტურობას იჩენს ვირუსის მიმართ.
