https://sputnik-georgia.com/20220527/socagentebi-socialurad-daucvel-ojaxebsi-bavsvebis-mdgomareobasac-seiswavlian-266923173.html
სოცაგენტები სოციალურად დაუცველ ოჯახებში ბავშვების მდგომარეობას შეისწავლიან
სოცაგენტები სოციალურად დაუცველ ოჯახებში ბავშვების მდგომარეობას შეისწავლიან
Sputnik საქართველო
სოციალური აგენტი შეამოწმებს, დადის თუ არა ბავშვი სკოლაში და სარგებლობს თუ არა საყოველთაო ჯანდაცვის პროგრამით
2022-05-27T09:30+0400
2022-05-27T09:30+0400
2022-05-27T14:29+0400
ახალი ამბები
საქართველო
სოციალური სფერო საქართველოში
საზოგადოება
ადამიანის უფლებები საქართველოში
https://cdnn1.img.sputnik-georgia.com/img/07e5/05/0c/251706018_0:157:3000:1845_1920x0_80_0_0_73b6af1438fa269f11f77e8909d6aa46.jpg
თბილისი, 27 მაისი – Sputnik. სოციალური აგენტები, რომლებიც ოჯახების სოციალურ-ეკონომიკურ მდგომარეობას აფასებენ, 1 ივნისიდან ბავშვების მდგომარეობას ცალკე შეისწავლიან.საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ზურაბ აზარაშვილმა უკვე დაამტკიცა შესაბამისი ცვლილებები ბრძანებაში „სოციალურად დაუცველი ოჯახების სოციალურ-ეკონომიკური მდგომარეობის შეფასების წესის დამტკიცების შესახებ“.ოჯახის მდგომარეობის შეფასებისას აგენტი ცალკე მიუთითებს, არის თუ არა სახლი უსაფრთხო ბავშვებისთვის, მათ შორის კედლებისა და იატაკის სიმყარეს, სახლის მდგომარეობას და არსებულ საფრთხეებს. ასევე აგენტმა უნდა მიუთითოს, სად სძინავთ ბავშვებს და აქვთ თუ არა ძილის, ჰიგიენის პირობები, სეზონის შესაბამისი ტანსაცმელი.გარდა ამისა, 1 ივნისიდან დეკლარაციაში იქნება მითითებული არა მხოლოდ ინფორმაცია ოჯახის ქონებისა და სესხების შესახებ, არამედ ბავშვების მიერ ნებისმიერი სახის შეჯიბრებაში/კონკურსში/სპორტულ თამაშში მონაწილეობისთვის ან/და გამარჯვებისთვის მიღებული ფულადი სახის ჯილდო/პრიზი, ასევე ქველმოქმედების ფარგლებში მიღებული ფულადი თანხები.სოციალური აგენტი შეამოწმებს, დადის თუ არა ბავშვი სკოლაში და სარგებლობს თუ არა საყოველთაო ჯანდაცვის პროგრამით. თუ ერთ-ერთი პუნქტის დარღვევა დადგინდება, სოცმუშაკი ვალდებული იქნება ამის შესახებ ზრუნვის სააგენტოს აცნობოს.1 ივნისიდან სოციალური აგენტები ასევე ვალდებული იქნებიან დარეკონ გადაუდებელი დახმარების ცენტრში, თუ შემოწმებისას გამოვლინდება, რომ ოჯახის რომელიმე წევრის, მათ შორის, ბავშვის ჯანმრთელობის მდგომარეობა მისი სიცოცხლისთვის საფრთხეს წარმოადგენს.აგენტებმა ასევე უნდა დარეკონ „112“-ში, თუ ბავშვს აღენიშნება ფიზიკური ძალადობის ნიშნები: სხვადასხვა ფერის სილურჯეები, სხვადასხვა ხარისხის ჭრილობები ან/და ნაკაწრები, იარები, სხეულის შეშუპებული ნაწილები, მოტეხილობები ან/და სხვა სახის დაზიანებები; ასევე თუ ოჯახის წევრი მიუთითებს მასზე განხორციელებულ ფიზიკურ ან სხვა ტიპის ძალადობაზე.ხოლო თუ დადგინდება, რომ ოჯახში 10 წლამდე ასაკის ერთი ან მეტი ბავშვი იმყოფება უმეთვალყურეოდ, სააგენტოს უფლებამოსილი პირი დაუყოვნებლივ უნდა დაუკავშირდეს ზრუნვის სააგენტოს.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/07e5/05/0c/251706018_166:0:2834:2001_1920x0_80_0_0_46df14c74afd973e4e474f740e9dadcd.jpgSputnik საქართველო
media@sputniknews.com
+74956456601
MIA „Rosiya Segodnya“
სოცაგენტები სოციალურად დაუცველი ოჯახები ბავშვები მდგომარეობა შესწავლა
სოცაგენტები სოციალურად დაუცველი ოჯახები ბავშვები მდგომარეობა შესწავლა
სოცაგენტები სოციალურად დაუცველ ოჯახებში ბავშვების მდგომარეობას შეისწავლიან
09:30 27.05.2022 (განახლებულია: 14:29 27.05.2022) სოციალური აგენტი შეამოწმებს, დადის თუ არა ბავშვი სკოლაში და სარგებლობს თუ არა საყოველთაო ჯანდაცვის პროგრამით.
თბილისი, 27 მაისი – Sputnik. სოციალური აგენტები, რომლებიც ოჯახების სოციალურ-ეკონომიკურ მდგომარეობას აფასებენ, 1 ივნისიდან ბავშვების მდგომარეობას ცალკე შეისწავლიან.
საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ზურაბ აზარაშვილმა უკვე დაამტკიცა შესაბამისი ცვლილებები ბრძანებაში „სოციალურად დაუცველი ოჯახების სოციალურ-ეკონომიკური მდგომარეობის შეფასების წესის დამტკიცების შესახებ“.
ცვლილებების თანახმად, სოციალური აგენტები, რომლებიც სოციალურად დაუცველი ოჯახების მდგომარეობის შეფასებას ახორციელებენ, აგრეთვე ამ ოჯახებში მცხოვრები ბავშვების მდგომარეობასაც შეაფასებენ.
ოჯახის მდგომარეობის შეფასებისას აგენტი ცალკე მიუთითებს, არის თუ არა სახლი უსაფრთხო ბავშვებისთვის, მათ შორის კედლებისა და იატაკის სიმყარეს, სახლის მდგომარეობას და არსებულ საფრთხეებს. ასევე აგენტმა უნდა მიუთითოს, სად სძინავთ ბავშვებს და აქვთ თუ არა ძილის, ჰიგიენის პირობები, სეზონის შესაბამისი ტანსაცმელი.
გარდა ამისა, 1 ივნისიდან დეკლარაციაში იქნება მითითებული არა მხოლოდ ინფორმაცია ოჯახის ქონებისა და სესხების შესახებ, არამედ ბავშვების მიერ ნებისმიერი სახის შეჯიბრებაში/კონკურსში/სპორტულ თამაშში მონაწილეობისთვის ან/და გამარჯვებისთვის მიღებული ფულადი სახის ჯილდო/პრიზი, ასევე ქველმოქმედების ფარგლებში მიღებული ფულადი თანხები.
სოციალური აგენტი შეამოწმებს, დადის თუ არა ბავშვი სკოლაში და სარგებლობს თუ არა საყოველთაო ჯანდაცვის პროგრამით. თუ ერთ-ერთი პუნქტის დარღვევა დადგინდება, სოცმუშაკი ვალდებული იქნება ამის შესახებ ზრუნვის სააგენტოს აცნობოს.
1 ივნისიდან სოციალური აგენტები ასევე ვალდებული იქნებიან დარეკონ გადაუდებელი დახმარების ცენტრში, თუ შემოწმებისას გამოვლინდება, რომ ოჯახის რომელიმე წევრის, მათ შორის, ბავშვის ჯანმრთელობის მდგომარეობა მისი სიცოცხლისთვის საფრთხეს წარმოადგენს.
აგენტებმა ასევე უნდა დარეკონ „112“-ში, თუ ბავშვს აღენიშნება ფიზიკური ძალადობის ნიშნები: სხვადასხვა ფერის სილურჯეები, სხვადასხვა ხარისხის ჭრილობები ან/და ნაკაწრები, იარები, სხეულის შეშუპებული ნაწილები, მოტეხილობები ან/და სხვა სახის დაზიანებები; ასევე თუ ოჯახის წევრი მიუთითებს მასზე განხორციელებულ ფიზიკურ ან სხვა ტიპის ძალადობაზე.
ხოლო თუ დადგინდება, რომ ოჯახში 10 წლამდე ასაკის ერთი ან მეტი ბავშვი იმყოფება უმეთვალყურეოდ, სააგენტოს უფლებამოსილი პირი დაუყოვნებლივ უნდა დაუკავშირდეს ზრუნვის სააგენტოს.