მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ნიდერლანდის პრემიერი: რუსულ ნავთობზე ემბარგოს მაისის ბოლოს შევათანხმებთ

© photo: Sputnik / Alexey Vitvitskiy / ფოტობანკში გადასვლამარკ რიუტე
მარკ რიუტე - Sputnik საქართველო, 1920, 25.05.2022
გამოწერა
Yandex newsTelegram
თბილისი, 25 მაისი − Sputnik. ნიდერლანდის პრემიერ-მინისტრი მარკ რიუტე იმედოვნებს, რომ ევროკავშირი რუსეთის ნავთობზე ემბარგოს საკითხს 30-31 მაისის სამიტზე, ან ამ სამიტის შემდეგ რაც შეიძლება მალე შეათანხმებს.
მისი თქმით, ევროკავშირმა, ბოლოს და ბოლოს, უნდა დაასრულოს რუსეთის დაფინანსება.

„ჩვენ ყველაფერს ვაკეთებთ, რათა სანქციების მეექვსე პაკეტი ბოლომდე მივიყვანოთ. მაგრამ არსებობს შფოთვები ნავთობზე სანქციებთან დაკავშირებით. ზოგ ქვეყანას აქვს გარკვეული კითხვები. იმედი მაქვს, რომ შეთანხმებას ორშაბათ-სამშაბათს შევძლებთ − ევროკავშირის სამიტზე, ან შეხვედრის შემდეგ რაც შეიძლება მალე“, − განაცხადა რიუტემ დავოსში მსოფლიო ეკონომიკურ ფორუმზე გამოსვლისას.

როგორც მანამდე გაზეთი Financial Times წერდა, უნგრეთის პრემიერ-მინისტრმა ვიქტორ ორბანმა წერილობით აცნობა ევროპული საბჭოს პრეზიდენტ შარლ მიშელს, რომ მისი ქვეყანა ვერ დაუჭერს მხარს სანქციებს მანამ, სანამ მას მეტ ინფორმაციას არ მიაწვდიან ბუდაპეშტის დაფინანსებაზე იმ შემთხვევაში, თუ ის რუსულ ნავთობზე უარს იტყვის. ორბანის აზრით, ევროკავშირი რუსულ ნავთობზე ემბარგოს, დიდი ალბათობით, უახლოეს დღეებში ვერ შეათანხმებს.
ევროკავშირის ქვეყნებმა სანქციების ხუთი პაკეტი დაუწესეს რუსეთის ფედერაციას უკრაინაში შექმნილი ვითარების გამო. მომავალი მეექვსე პაკეტის ფარგლებში ევროკავშირი რუსული ნავთობზე უარის შესაძლებლობას განიხილავს. კავშირის ზოგი ქვეყანა, კერძოდ, უნგრეთი, ბლოკავს სანქციების პაკეტის მიღებას, ვინაიდან შიშობს, რომ ამ ნაბიჯს ნეგატიური გავლენა ექნება მის ეკონომიკაზე.
ყველა ახალი ამბავი
0