პოლიციამ რეგიონებში ცეცხლსასროლი იარაღი და საბრძოლო მასალა ამოიღო

© photo: Sputnik / Anton Vergun / გადასვლა მედიაბანკშივაზნები
ვაზნები - Sputnik საქართველო, 1920, 25.05.2022
გამოწერა
ბრალის დამტკიცების შემთხვევაში დაკავებულებს 3-დან 7 წლამდე ვადით პატიმრობა ემუქრებათ.
თბილისი, 25 მაისი – Sputnik. პოლიციამ უკანონო ცეცხლსასროლი იარაღი და საბრძოლო მასალა ამოიღო, დაკავებულია სამი პირი, იუწყება შინაგან საქმეთა სამინისტრო.
სავარაუდო დამნაშავეთა დაკავება განხორციელდა შიდა ქართლში, მცხეთა-მთიანეთსა და გურიაში. დაკავებულთა შორის, რომელთა ასაკი 23-დან 42 წლამდეა, წარსულში ნასამართლევი პირებიც არიან.
ოპერატიულ-საგამოძიებო ღონისძიებების ფარგლებში პოლიციამ ამოიღო ორი ავტომატი, „ბრაუნინგის“ სისტემის პისტოლეტი, 14 მჭიდი და 441 საბრძოლო ვაზნა.
გამოძიება ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვისა და ტარების ფაქტებზე მიმდინარეობს. დანაშაულები 3-დან 7 წლამდე ვადით თავისუფლების აღკვეთას ითვალისწინებს.
ყველა ახალი ამბავი
0