https://sputnik-georgia.com/20220520/awarmoe-saqartveloshi-msoflioshi-sauketeso-saagentod-agiares-266773012.html
„აწარმოე საქართველოში“ მსოფლიოში საუკეთესო სააგენტოდ აღიარეს
„აწარმოე საქართველოში“ მსოფლიოში საუკეთესო სააგენტოდ აღიარეს
Sputnik საქართველო
პრემია WTPO Awards ორ წელიწადში ერთხელ ტარდება და მასში 70-ზე მეტი ქვეყნის წარმომადგენელი მონაწილეობს. 20.05.2022-ს, Sputnik საქართველო
2022-05-20T15:37+0400
2022-05-20T15:37+0400
2023-11-04T14:55+0400
საქართველო
ეკონომიკა
საზოგადოება
ახალი ამბები
აწარმოე საქართველოში
https://cdnn1.img.sputnik-georgia.com/img/23628/98/236289840_0:104:2000:1229_1920x0_80_0_0_f66d1d31b99dafb2c8cdf874b0e87530.jpg
თბილისი, 20 მაისი — Sputnik. საერთაშორისო სავაჭრო ცენტრის (ITC) კონკურსის WTPO Awards 2020-ის ფარგლებში სააგენტო „აწარმოე საქართველოში" ექსპორტის სტიმულირებისა და მხარდაჭერის კუთხით საუკეთესო სააგენტოდ დასახელდა.დაჯილდოების ცერემონია, რომელიც თავის დროზე კოვიდ-პანდემიის გამო გადაიდო და წელს ჩატარდა, განაში გაიმართა, სადაც სააგენტოს დირექტორს მიხეილ ხიდურელს ჯილდო ITC-ს აღმასრულებელმა დირექტორმა პამელა კოუკ ჰამილტონმა პირადად გადასცა.სააგენტოს ინფორმაციით, კონკურსის გამარჯვებულებს მაღალი რანგის ექსპერტებისგან შემდგარი ჟიური ავლენს.ფინალში გამოვლინდნენ ორგანიზაციები, რომლებიც ახალისებენ ექსპორტის განვითარების ინოვაციურ და ეფექტურ ინიციატივებს. ორგანიზაციებმა უნდა აჩვენონ, რომ ისინი ეხმარებიან მიკრო, მცირე და საშუალო საწარმოებს (MSMEs) – გახდნენ კონკურენტუნარიანი საერთაშორისო ბაზრებზე.ხიდურელის განცხადებით, სააგენტო აქტიურად ეხმარება ადგილობრივ მეწარმეებს ექსპორტის მიმართულებით და წლიდან წლამდე აფართოვებს მათი ხელშემწყობი პროგრამების არეალს.გაიხსნება თუ არა საქართველოში ელექტრომობილების ქარხანა? ახალი წარმოების პერსპექტივები>>>მისი თქმით, ცოტა ხნის წინ სააგენტომ დაიწყო ექსპორტის სტიმულირების მასშტაბური პროგრამა, რომელიც ხელს შეუწყობს ბაზრების დივერსიფიცირებას, ახალ ბაზრებზე შესვლას და ქართული პროდუქტის საერთაშორისო ქსელებში მოხვედრას.სამთავრობო პროგრამა „აწარმოე საქართველოში“ 2014 წლის ზაფხულში შეიქმნა. მისი მიზანია ქვეყანაში ადგილობრივი წარმოების წახალისება. 2017 წლის აპრილში შეიქმნა ამავე სახელწოდების სააგენტო, რომელმაც გააერთიანა ქვეყნის ბიზნეს-სექტორისა და ეკონომიკური განვითარების ხელშეწყობისკენ მიმართული ყველა სახელმწიფო პროგრამა.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
საქართველო, ეკონომიკა, საზოგადოება, ახალი ამბები, აწარმოე საქართველოში
საქართველო, ეკონომიკა, საზოგადოება, ახალი ამბები, აწარმოე საქართველოში
„აწარმოე საქართველოში“ მსოფლიოში საუკეთესო სააგენტოდ აღიარეს
15:37 20.05.2022 (განახლებულია: 14:55 04.11.2023) პრემია WTPO Awards ორ წელიწადში ერთხელ ტარდება და მასში 70-ზე მეტი ქვეყნის წარმომადგენელი მონაწილეობს.
თბილისი, 20 მაისი — Sputnik. საერთაშორისო სავაჭრო ცენტრის (ITC) კონკურსის WTPO Awards 2020-ის ფარგლებში სააგენტო „აწარმოე საქართველოში" ექსპორტის სტიმულირებისა და მხარდაჭერის კუთხით საუკეთესო სააგენტოდ დასახელდა.
დაჯილდოების ცერემონია, რომელიც თავის დროზე კოვიდ-პანდემიის გამო გადაიდო და წელს ჩატარდა, განაში გაიმართა, სადაც სააგენტოს დირექტორს მიხეილ ხიდურელს ჯილდო ITC-ს აღმასრულებელმა დირექტორმა პამელა კოუკ ჰამილტონმა პირადად გადასცა.
„ეს აღიარება კიდევ ერთხელ ადასტურებს, თუ რამდენად ეფექტურად მუშაობს ჩვენს ქვეყანაში სახელმწიფო პროგრამები. საქართველოს სახელი კი კვლავ გაჟღერდა მსოფლიო მასშტაბით, როგორც ქვეყნის, სადაც ადგილობრივი ბიზნესი, მათ შორის მიკრო, მცირე და საშუალო საწარმოები, წარმატებით ვითარდება სახელმწიფოს მიერ დაფინანსებული პროგრამების წყალობით“, – განაცხადა ხიდურელმა დაჯილდოების შემდეგ.
სააგენტოს ინფორმაციით, კონკურსის გამარჯვებულებს მაღალი რანგის ექსპერტებისგან შემდგარი ჟიური ავლენს.
ფინალში გამოვლინდნენ ორგანიზაციები, რომლებიც ახალისებენ ექსპორტის განვითარების ინოვაციურ და ეფექტურ ინიციატივებს. ორგანიზაციებმა უნდა აჩვენონ, რომ ისინი ეხმარებიან მიკრო, მცირე და საშუალო საწარმოებს (MSMEs) – გახდნენ კონკურენტუნარიანი საერთაშორისო ბაზრებზე.
ხიდურელის განცხადებით, სააგენტო აქტიურად ეხმარება ადგილობრივ მეწარმეებს ექსპორტის მიმართულებით და წლიდან წლამდე აფართოვებს მათი ხელშემწყობი პროგრამების არეალს.
მისი თქმით, ცოტა ხნის წინ სააგენტომ დაიწყო ექსპორტის სტიმულირების მასშტაბური პროგრამა, რომელიც ხელს შეუწყობს ბაზრების დივერსიფიცირებას, ახალ ბაზრებზე შესვლას და ქართული პროდუქტის საერთაშორისო ქსელებში მოხვედრას.
სამთავრობო პროგრამა „აწარმოე საქართველოში“ 2014 წლის ზაფხულში შეიქმნა. მისი მიზანია ქვეყანაში ადგილობრივი წარმოების წახალისება. 2017 წლის აპრილში შეიქმნა ამავე სახელწოდების სააგენტო, რომელმაც გააერთიანა ქვეყნის ბიზნეს-სექტორისა და ეკონომიკური განვითარების ხელშეწყობისკენ მიმართული ყველა სახელმწიფო პროგრამა.
