ქართული მულტფილმის პროექტი საფრანგეთის დასაპყრობად მიემგზავრება

© AP Photo / Francois Moriპარიზი
პარიზი - Sputnik საქართველო, 1920, 13.05.2022
გამოწერა
Yandex newsTelegram
ქართველი კლასიკოსის ნაწარმოებში, რომელიც მულტფილს უდევს საფუძვლად, ერთმანეთს პროგრესული აზროვნება და უხეში ძალა უპირისპირდება.
თბილისი, 13 მაისი – Sputnik. რეჟისორ ნათია ნიკოლაშვილის სრულმეტრაჟიანი ქართული მულფილმის პროექტი „იგი“ ანიმაციური ფილმების ანსის საერთაშორისო ფესტივალზე (Festival international du film d'animation d'Annecy) მიიწვიეს, რომელიც 13–18 ივნისს გაიმართება.
ანსის ანიმაციური ფილმების საერთაშორისო ფესტივალი ყოველწლიური ფესტივალია, რომელიც საფრანგეთში ივნისში ტარდება.
პროექტი ფესტივალის პიტჩინგზე მიიწვიეს, რაც ნიშნავს, რომ მულტფილმის შემქმნელები შეძლებენ თავიანთი პროექტის წარდგენას ინვესტორების მოსაძიებლად.
პროექტი „იგი“ საქართველოსა და ჩეხეთის კოპროდუქციაა. ამჟამად პროექტი დაფინანსების ძებნის სტადიაშია.
ქართულ „მიტოვებულ სოფელს“ ამსტერდამში საუკეთესო ექსპერიმენტული ფილმი უწოდეს>>
მულტიპლიკაციური ფილმი ქართველი მწერლის ჯემალ ქარჩხაძის ამავე სახელწოდების მოთხრობის ეკრანიზაციაა. პოპულარული ნაწარმოები 1977 წელს ჟურნალ „ცისკარში“ გამოქვეყნდა, ხოლო 2006 წლიდან ის საქართველოს სასკოლო პროგრამაშია შესული.
ნაწარმოებში საუბარია ისტორიამდელ საზოგადოებაზე, სადაც ადამიანი, სახელად იგი იწყებს ფიქრს კითხვებზე, რომლებიც აქამდე არავის დაუსვამს. ამის შესახებ იგებს ტომის ბელადი, რომელსაც არ მოსწონს იგის სხვაგვარი აზროვნება. ასე უპირისპირდება ერთმანეთს ნაწარმოებში პროგრესული აზროვნება და უხეში ძალა.
ყველა ახალი ამბავი
0