პრეზიდენტი: დასავლეთი ივანიშვილის წინააღმდეგ სანქციებს არ განიხილავს

© photo: Sputnik / Stringerსალომე ზურაბიშვილი
სალომე ზურაბიშვილი - Sputnik საქართველო, 1920, 13.05.2022
გამოწერა
Yandex newsTelegram
თბილისი, 13 მაისი – Sputnik. აშშ-სა და ევროპაში ჩემი ვიზიტებისას საქართველოს ექს-პრემიერ ბიძინა ივანიშვილის წინააღმდეგ სანქციების დაწესების საკითხი არ განხილულა, განაცხადა საქართველოს პრეზიდენტმა სალომე ზურაბიშვილმა ჟურნალისტებთან.
რუსმა პოლიტოლოგმა ანდრეი პიონტკოვსკიმ სამშაბათს „უკრაინა 24"-ის ეთერში მოუწოდა უკრაინელებს აქტიურობისკენ საქართველოს ტერიტორიაზე მეორე ფრონტის გასახსნელად. მისი თქმით, ამისათვის „ქართული ოცნების“ დამფუძნებლის ბიძინა ივანიშვილის წინააღმდეგ სანქციები უნდა დაწესდეს. პიონტკოვსკი დარწმუნებულია, რომ ამის შემდეგ „ივანიშვილი გაიქცევა და რეჟიმი დაინგრევა“, ხოლო საქართველო გათავისუფლდება.

„ახლახან ვიყავი ევროპასა და ამერიკაში, საიდანაც კვირის დასაწყისში დავბრუნდი. არსად, არცერთ შეხვედრაზე ეს საკითხი არ დასმულა. როგორც უკვე გითხარით, მოვისმინე ჩემი კოლეგების მოსაზრებები და არსად ეს საკითხი დასმული არ ყოფილა“, – განაცხადა ზურაბიშვილმა ივანიშვილის წინააღმდეგ სანქციების შესაძლო დაწესებასთან დაკავშირებით.

მმართველ პარტია „ქართული ოცნება - დემოკრატიულ საქართველოში“ პიონტკოვსკის უავტორიტეტო და შარლატანი უწოდეს.
იმის შესახებ, რომ საქართველოში არ იქნება არანაირი მეორე ფრონტი, არაერთხელ განაცხადეს ქვეყნის პრემიერ-მინისტრმა ირაკლი ღარიბაშვილმა და სხვა მაღალჩინოსნებმა. პრემიერის თქმით, საქართველომ მხარი უნდა დაუჭიროს რეგიონში მშვიდობასა და სტაბილურობას.
არანაირი მეორე ფრონტი, ომი არ იქნება – პრემიერი ხანგრძლივი მშვიდობის გარანტიას იძლევა>>>
საქართველოს მეორე ფრონტის გახსნისკენ ერთ-ერთმა პირველმა უკრაინის ეროვნული უშიშროებისა და თავდაცვის საბჭოს მდივანმა ოლექსი დანილოვმა მოუწოდა.
რუსეთმა უკრაინის ტერიტორიაზე ჯარი 24 თებერვალს შეიყვანა. პრეზიდენტმა პუტინმა განაცხადა, რომ ეს არის „უკრაინის დემილიტარიზაციისა და დენაციფიკაციის სპეცოპერაცია“ და რომ რუსეთის გეგმებში უკრაინის ტერიტორიების დაპყრობა არ შედის. ამის პასუხად დასავლეთის ქვეყნებმა რუსეთის მიმართ ეკონომიკური სანქციები გაამკაცრეს.
ყველა ახალი ამბავი
0