საქართველო ტრანსკასპიური სატრანსპორტო დერეფნის პოპულარიზაციაში მონაწილეობას მიიღებს

© photo: Sputnik / Alexander Imedashviliსატვირთოები
სატვირთოები - Sputnik საქართველო, 1920, 12.05.2022
გამოწერა
Yandex newsTelegram
ტრანსკასპიური საერთაშორისო სატრანსპორტო მარშრუტი 2014 წლის თებერვალში შეიქმნა
თბილისი, 12 მაისი — Sputnik. ანკარაში გამართულ შეხვედრაზე ახალი სატრანზიტო ტვირთების მომსახურების და შუა დერეფნის (Middle Corridor) პოპულარიზაციისა და სანდოობის ამაღლებისთვის ღონისძიებების გეგმა დამტკიცდა, იუწყება „საქართველოს რკინიგზის“ პრეს-სამსახური.
შეხვედრაზე საქართველოს, თურქეთის, ყაზახეთისა და აზერბაიჯანის სარკინიგზო და საზღვაო/სანაოსნო კომპანიების ხელმძღვანელებმა ტრანსკასპიური საერთაშორისო სატრანზიტო მარშრუტის (ТМТМ) შესაძლებლობები განიხილეს.
სამუშაო შეხვედრაში მონაწილეობა მიიღო „საქართველოს რკინიგზის“ დელეგაციამ გენერალური დირექტორის დავით ფერაძის ხელმძღვანელობით.
შეხვედრა თურქეთის ტრანსპორტისა და ინფრასტრუქტურის მინისტრმა ადილ კარაისმაილოღლუმ გახსნა. მინისტრმა ხაზგაზმით აღნიშნა, რომ მსოფლიოში შექმნილი გეოპოლიტიკური ვითარებიდან გამომდინარე, მოთხოვნა ჩინეთისა და ევროპის დამაკავშირებელ შუა დერეფანზე საკმაოდ დიდია.
მან ტრანსკასპიური საერთაშორისო სატრანზიტო მარშრუტის (TMTM) მონაწილე მხარეებს კოორდინირებული მუშაობისკენ მოუწოდა და მზარდი მოცულობების შეუფერხებელი მომსახურებისთვის თურქეთის მხრიდან სრული მხარდაჭერა გამოთქვა.
ტრანსკასპიური საერთაშორისო სატრანსპორტო მარშრუტი 2014 წლის თებერვალში შეიქმნა აზერბაიჯანის, ყაზახეთისა და საქართველოს საზღვაო და სარკინიგზო გადაზიდვების სფეროში წამყვანი საწარმოების მონაწილეობით. მოგვიანებით პროექტს შეუერთდნენ უკრაინა, რუმინეთი და პოლონეთი.
დერეფნის მარშრუტი ამჟამად გადის ჩინეთი–ყაზახეთის საზღვრიდან ევროპაში ყაზახეთის, კასპიის ზღვის, აზერბაიჯანისა და საქართველოს გავლით.
ყველა ახალი ამბავი
0