საქართველოში ფაშიზმზე გამარჯვების დღე აღინიშნება

© Sputnik / STRINGERუცნობი ჯარისკაცის საფლავი ვაკის პარკში
უცნობი ჯარისკაცის საფლავი ვაკის პარკში - Sputnik საქართველო, 1920, 09.05.2022
გამოწერა
Yandex newsTelegram
მეორე მსოფლიო ომში დაღუპულთა ხსოვნას პატივს წელს ვეტერანთა კულტურისა და დასვენების პარკში მიაგებენ.
თბილისი, 9 მაისი – Sputnik. საქართველოში ფაშიზმზე გამარჯვების დღეს აღნიშნავენ. 9 მაისი ქვეყანაში ოფიციალურად დასვენების დღედ არის გამოცხადებული.
ამ დღეს თბილისში ვეტერანები და რიგითი მოქალაქეები, როგორც წესი, ვაკის პარკში, უცნობი ჯარისკაცის მემორიალთან იკრიბებიან. თუმცა, ვაკის პარკში მიმდინარე სარემონტო სამუშაოების გამო გამარჯვების დღისადმი მიძღვნილი ღონისძიებები იქ არ გაიმართება.
წელს მეორე მსოფლიო ომში დაღუპულთა ხსოვნისათვის პატივის მიგება ვეტერანთა კულტურისა და დასვენების (კიკვიძის) პარკში იქნება შესაძლებელი. ოფიციალური ცერემონია აქ 11:00 საათზე დაიწყება.
ვეტერანების საქმეთა სახელმწიფო სამსახურის ცნობით, მეორე მსოფლიო ომში საქართველოდან 700 ათასამდე ადამიანი წავიდა, შინ თითქმის ნახევარი ვერ დაბრუნდა. საქართველოს ათობით ათასი მოქალაქე დაჯილდოვდა სამთავრობო ჯილდოებით, 167 საბჭოთა კავშირის გმირი გახდა. მათგან ყველაზე ცნობილია უმცროსი სერჟანტი მელიტონ ქანთარია (1921-1993), რომელმაც 1945 წლის მაისში მიხაილ ეგოროვთან ერთად გამარჯვების დროშა რაიხსტაგზე აღმართა.
მეორე მსოფლიო ომის ვეტერანებს თბილისის მერიამ ფინანსური დახმარება გაუზარდა>>
დღეისთვის საქართველოში 172 ვეტერანი ცხოვრობს.
თბილისის მერიამ ფაშიზმზე გამარჯვების დღის დღესასწაულთან დაკავშირებით მეორე მსოფლიო ომის ვეტერანების ფინანსური დახმარება წელს თითოეულისთვის 1 ათას ლარამდე გაზარდა.
ყველა ახალი ამბავი
0