მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

მაკრონმა უკრაინის ევროკავშირში გაწევრიანების შესაძლო ვადები დაასახელა

© photo: Sputnik / Alexey Vitvitskiy / ფოტობანკში გადასვლაემანუელ მაკრონი
ემანუელ მაკრონი - Sputnik საქართველო, 1920, 09.05.2022
გამოწერა
Yandex newsTelegram
მაკრონის თქმით, გაწევრიანების პროცესის დაჩქარება შესაძლებელია მხოლოდ ევროკავშირის წევრობისთვის მოთხოვნების შემსუბუქებით
თბილისი, 9 მაისი – Sputnik. ევროკავშირში უკრაინის მიღების პროცესს შესაძლოა რამდენიმე წელი, ათწლეულებიც კი დასჭირდეს. ამის შესახებ საფრანგეთის პრეზიდენტმა ემანუელ მაკრონმა სტრასბურგში ევროპარლამენტში ევროპის მომავლის შესახებ კონფერენციის დახურვისას განაცხადა.
„ჩვენ ყველამ კარგად ვიცით, რომ ევროკავშირში გაწევრიანების პროცესი რამდენიმე წელიწადი, სიმართლე გითხრათ, ათწლეულებიც კი გაგრძელდება. თუ არ გადავწყვეტთ ევროკავშირში გაწევრიანების სტანდარტების დაწევას", - განაცხადა საფრანგეთის ლიდერმა.
გარდა ამისა, მაკრონმა მოუწოდა ევროპარლამენტარებს, ევროკავშირის ბლოკის ირგვლივ შეიქმნას დემოკრატიული სახელმწიფოების უფრო ფართო პოლიტიკური საზოგადოება, „ევროპული პოლიტიკური თანამეგობრობა“ ისეთი ქვეყნების ევროკავშირში გაწევრიანების დასახმარებლად, როგორიცაა უკრაინა, მოლდოვა და საქართველო.
ევროკომისიის ხელმძღვანელმა ურსულა ფონ დერ ლაიენმა აპრილში კიევში ვიზიტის დროს ვოლოდიმირ ზელენსკის გადასცა კითხვარი ევროკავშირში გაწევრიანების შესახებ მოლაპარაკებების დასაწყებად. მან ხაზგასმით აღნიშნა, რომ გადაცემული დოკუმენტი არის „ბაზა დისკუსიებისთვის მომავალ თვეებში“.
28 თებერვალს ზელენსკიმ ხელი მოაწერა განაცხადს უკრაინის ევროკავშირში გაწევრიანების შესახებ. მეორე დღეს ევროპარლამენტმა მხარი დაუჭირა რეზოლუციას, რომელიც უკრაინას ანიჭებს კანდიდატი ქვეყნის სტატუსს.
ყველა ახალი ამბავი
0