„მყავს საყვარელი ადამიანი...“ - თამთა ჭელიძე პირადულზე საუბრობს
11:01 06.05.2022 (განახლებულია: 19:06 06.05.2022)
© courtesy of Tamta Chelidze
გამოწერა
თამთა ჭელიძემ პირად ცხოვრებაზე ისაუბრა.
მომღერალი თამთა ჭელიძე „ღამის პრაიმტაიმთან“ საუბრობს სიახლეზე, რომელიც მის პირად ცხოვრებაშია. მომღერალი აღნიშნავს, რომ ამჟამად ჰყავს საყვარელი მამაკაცი, რომელსაც ცხოვრება დაუკავშირა.
თამთას ქორწინება აკავშირებდა მსახიობ ჯაბა კილაძესთან. წყვილს ერთი ქალიშვილი, ლიზა ჰყავს.
„ოფიციალური ოჯახი არა, მაგრამ მყავს საყვარელი ადამიანი. რაც შეეხება ჯაბას, ჩვენ ოთხი წელი ვიყავით ცოლ-ქმარი, ბავშვის გაჩენის შემდეგ, როცა ლიზა ერთი თვის იყო, გავშორდით ერთმანეთს. ერთადერთი მიზეზი ჩემი მხრიდან იყო ეჭვიანობა, რადგან ძალიან ვეჭვიანობდი. იმ პერიოდში მე უფრო პოპულარული ვიყავი, მაგრამ გოგონები ძალიან აქტიურობდნენ“, – იხსენებს მომღერალი.
მისი თქმით, ჯაბა მაშინ „ჯინსების თაობაში“ თამაშობდა და მასზე „საშინელი მოთხოვნა იყო“.
„რთული ორსულობა მქონდა, შვიდი თვე ვიწექი, მასაც გაუჭირდა, ცოლი წევს, ვერ დგება, პატარა იყო. ჩემი დეპრესია დიდხანს გაგრძელდა. თავიდანვე არ მივხედე. ახლა კი გადასარევად ვარ“, – ამბობს მომღერალი.
