მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ასე არ შეიძლება: ოლაფ შოლცმა დაასახელა მიზეზი, რატომ არ ჩადის კიევში

© photo: Sputnik / Alexey Vitvitskiy / ფოტობანკში გადასვლაოლაფ შოლცი
ოლაფ შოლცი - Sputnik საქართველო, 1920, 03.05.2022
გამოწერა
Yandex newsTelegram
თბილისი, 3 მაისი — Sputnik. უკრაინის ხელისუფლების გადაწყვეტილება, უარი ეთქვას გერმანიის პრეზიდენტ ფრანკ-ვალტერ შტაინმაიერს ქვეყანაში ჩასვლაზე, „შესამჩნევი ინციდენტია“, რომელიც ხელს უშლის კანცლერ ოლაფ შოლცის შესაძლო ვიზიტს უკრაინაში. ამის შესახებ თავად კანცლერმა შოლცმა განაცხადა ZDF-თან ინტერვიუში.
მისი თქმით, აღნიშნული გადაწყვეტილება, რომელიც უკრაინის პრეზიდენტმა ვოლოდიმირ ზელენსკიმ აპრილში მიიღო, მას „გზას უღობავს“.

„ასე მოქცევა არ შეიძლება. გერმანიას, რომელიც ამხელა ფინანსურ და სამხედრო დახმარებას უწევს უკრაინას, რომელიც მომავალში უსაფრთხოების გარანტიებისთვის სჭირდება მას, არ უნდა ეუბნებოდნენ, შენი პრეზიდენტის ჩამოსვლა არ შეიძლებაო“, — განაცხადა შოლცმა.

ამასთან კანცლერმა ხაზი გაუსვა, რომ შტაინმაიერს გერმანიის მოსახლეობის უმეტესობა უჭერს მხარს, რაც ბოლო არჩევნებმა დაადასტურა.
მანამდე უკრაინის ხელისუფლებამ გააუქმა შტაინმაიერის 12 აპრილისთვის დაგეგმილი ვიზიტი კიევში ისე, რომ განმარტება არ მიუცია. მასმედიის ინფორმაციით, ამ გადაწყვეტილების ერთ-ერთი მიზეზი ისიცაა, რომ გერმანიის პრეზიდენტი გაზსადენ „ჩრდილოეთის ნაკადი-2“-ს უჭერდა მხარს. კიევში მიაჩნიათ, რომ ფრანკ-ვალტერ შტაინმაიერი წარსულში ზედმეტად რბილი იყო რუსეთის მიმართ.
გერმანიაში ვოლოდიმირ ზელენსკის გადაწყვეტილებას მწვავე კრიტიკა მოჰყვა სხვადასხვა პარტიების მხრიდან. ვიცე-კანცლერმა რობერტ ჰაბეკმა ამ ნაბიჯს „დიპლომატიური შეცდომა“ უწოდა.
ყველა ახალი ამბავი
0