მაღალმთიან აჭარაში ახალი საპიკნიკე ადგილები გაჩნდება

© courtesy of Ajara Tourism Departmentახალი საპიკნიზე ზონები აჭარაში
ახალი საპიკნიზე ზონები აჭარაში - Sputnik საქართველო, 1920, 21.04.2022
გამოწერა
Yandex newsTelegram
საპიკნიკე ობიექტები მოიცავს საკოცონე სივრცეებს, ფანჩატურებს, საქანელებიან მოსასვენებელ სივრცეებსა და ფოტოსტენდებს.
თბილისი, 21 აპრილი – Sputnik. მაღალმთიანი აჭარის ორ მუნიციპალიტეტში – შუახევსა და ქედაში საპიკნიკე ზონები მოეწყობა. ინფორმაციას აჭარის ტურიზმისა და კურორტების დეპარტამენტი ავრცელებს.
სოფელ მახუნცეთში, ძველმთის (შუახევი) და კვესაურის (ქედა) მთების, ასევე ხარისაწოლის მიმდებარე ტერიტორიაზე ეკოლოგიურად სუფთა მასალებით აშენებული ავთენტური საპიკნიკე ადგილები გაჩნდება.

„საპიკნიკე სივრცეები მოგზაურებს საშუალებას მისცემს ღია სივრცეში ავთენტურ გარემოში განიტვირთონ, დაისვენონ და ულამაზესი პანორამული ხედებით დატკბნენ“, – აღნიშნულია ინფორმაციაში.

საპიკნიკე ინფრასტრუქტურა მოიცავს საკოცონე სივრცეებს, ფანჩატურებს, საქანელებიან მოსასვენებელ სივრცეებსა და ფოტოსტენდებს.
ბოლო ორი წლის განმავლობაში მსგავსი საპიკნიკე ზონები ჩირუხის მთაზე, ჯვარიმინდორზე, სოფელ კაპნისთავსა და შუამთაზე მოეწყო.
აჭარა ტურისტებისთვის ასოცირდება არა მხოლოდ ზღვასთან, არამედ მთის ღირსშესანიშნაობებთანაც. აჭარაში ტურისტებს შეუძლიათ არა მარტო ულამაზესი პეიზაჟებით დატკბნენ, არამედ ისწავლონ სხვადასხვა ქართული კერძის მომზადება ოჯახური ტიპის სასტუმროების დიასახლისებისგან, გაეცნონ ადგილობრივი მოსახლეობის ტრადიციებს და დასვენება დაუვიწყარი გახადონ.
ყველა ახალი ამბავი
0