ნატოში შესვლის შედეგები: რუსეთმა ფინეთი და შვედეთი გააფრთხილა

© photo: Sputnik / Vitaliy Belousov
  - Sputnik საქართველო, 1920, 20.04.2022
გამოწერა
Yandex newsTelegram
თბილისი, 20 აპრილი — Sputnik. რუსეთმა ორმხრივი არხებით გააფრთხილა ფინეთი და შვედეთი მათი ნატოში შესვლის შედეგების შესახებ, განაცხადა რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ.

„ბრიუსელი, შეერთებული შტატების ეგიდით, კარგა ხანია ითრევს ხსენებულ ქვეყნებს თავიანთ სტრუქტურებში. ღონისძიებები ტარდებოდა მათი ფაქტობრივი ჩათრევისთვის. ამაში არაფერია ახალი. სხვა საქმეა, თუ ისინი ამ გზას დაადგებიან, რაც გეოპოლიტიკურ ვითარებას შეცვლის ევროპაში — ჩვენი ქვეყნის უშუალო სიახლოვეს. ჩვენ გაფრთხილებები საჯაროდაც გავავრცელეთ და ორმხრივი არხებითაც. მათ იციან ამის შესახებ, აღარაფერი გაუკვირდებათ — ვაცნობეთ ყველაფერი, რაც ამას მოჰყვება“, — განაცხადა ზახაროვამ.

ცოტა ხნის წინ რუსეთის საგარეო საქმეთა სამინისტრომ განაცხადა, რომ შვედეთმა და ფინეთმა უნდა გააცნობიერონ ნატოში შესაძლო შესვლის შედეგები რუსეთთან ორმხრივ ურთიერთობებში და ასევე ისიც, თუ როგორ იმოქმედებს ეს ევროპის უსაფრთხოების სისტემაზე.
მანამდე გამოცემა Times-მა წყაროებზე დაყრდნობით გაავრცელა ინფორმაცია, რომ შვედეთი და ფინეთი ნატოში გაწევრიანებას უკვე მიმდინარე ზაფხულს აპირებენ. არსებული ცნობით, ჰელსინკი პირველი წარადგენს ივნისში ალიანსში გაწევრიანებაზე განაცხადს, რასაც შვედეთის განაცხადიც მოჰყვება.
ფინეთი და შვედეთი აქამდე ნეიტრალურ სტატუსს ინარჩუნებდნენ. ნატოში გაწევრიანების შესაძლებლობის განხილვა ამ ქვეყნების ხელისუფლებებმა უკრაინაში „სამხედრო ოპერაციის“ ამოქმედების შემდეგ დაიწყეს. ალიანსის გენერალურმა მდივანმა იენს სტოლტენბერგმა განაცხადა, რომ ნატო შეძლებს შედარებით სწრაფად მიიღოს ფინეთი და შვედეთი სამხედრო ბლოკში.
ყველა ახალი ამბავი
0