მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ერდოღანმა ერაყში თურქეთის სამხედრო ოპერაციის მიზნები განმარტა

© AP Photo / Olivier Matthys
  - Sputnik საქართველო, 1920, 20.04.2022
გამოწერა
Yandex newsTelegram
თბილისი, 20 აპრილი — Sputnik. თურქეთი არ ისახავს მიზნად ერაყში სამხედრო ოპერაციის დროს ახალი ტერიტორიების მოპოვებას, განაცხადა პრეზიდენტმა რეჯეფ თაიფ ერდოღანმა.
მისი თქმით, თურქეთი სამხედრო ოპერაციას, რომელიც 18 აპრილს დაიწყო ქურთისტანის მუშათა პარტიის (PKK) წინააღმდეგ ჩრდილოეთ ერაყში, ტერორიზმთან ბრძოლისა და საზღვრების დაცვის მიზნით ატარებს.

„ამ ოპერაციის მიზანია ერაყის მიწების ტერორისტული ორგანიზაციისგან გათავისუფლება და ასევე ჩვენი ქვეყნის საზღვრების უსაფრთხოების გარანტია“, — განაცხადა ერდოღანმა პარლამენტში გამოსვლისას.

პრეზიდენტის თქმით, სპეცოპერაციამ ტერორისტულ ორგანიზაციებს თურქეთის შიგნით მოქმედების შესაძლებლობა წაართვა.
გუშინ, 19 აპრილს, თურქეთის თავდაცვის სამინისტროს ცნობით, ერაყში ანტიტერორისტული ოპერაციის ზონაში PKK-ს დაახლოებით 25 მებრძოლი განეიტრალდა. როგორც ერაყის საგარეო საქმეთა სამინისტროს სპიკერმა აჰმედ ალ-საჰაფმა აღნიშნა, ჩრდილოეთ ერაყში თურქეთის ქმედებები ქვეყნის სუვერენიტეტს არღვევს.
ქურთისტანის მუშათა პარტია (PKK) თურქეთსა და ზოგ სხვა ქვეყანაში ტერორისტულ ორგანიზაციადაა აღიარებული. ანკარამ PKK-სთან შეიარაღებული კონფლიქტი 1984 წელს დაიწყო, რომელიც შემდეგ 2015 წელს განახლდა.
ყველა ახალი ამბავი
0