გურიაში აღდგომაზე ლელობურთი გაიმართება

© photo: Sputnik / Stringerლელობურთი სოფელ შუხუთში
ლელობურთი სოფელ შუხუთში - Sputnik საქართველო, 1920, 19.04.2022
გამოწერა
Yandex newsTelegram
16-კილოგრამიან ლელოს ბურთს ტრადიციისამებრ ადგილობრივები წმინდა გიორგის სახელობის ტაძარში მიიტანენ.
თბილისი, 19 აპრილი — Sputnik. აღდგომის დღესასწაულზე ლანჩხუთის მუნიციპალიტეტის სოფელ შუხუთში ტრადიციული ლელობურთი გაიმართება. ინფორმაციას ლანჩხუთის მუნიციპალიტეტის მერია ავრცელებს.
თითქმის ორასი წელია გურულები ლელობურთს შუხუთში ყოველ აღდგომა დღეს თამაშობენ.
ერთმანეთს ზემო და ქვემო შუხუთი (ანუ, ზემოურები და ქვემოურები) ზუსტად 16-კილოგრამიანი, საქონლის ტყავისგან შეკერილი ბურთით ეპაექრება და გამარჯვებული სოფლის ის ნაწილია, რომელიც ბურთს თავისი უბნისკენ წაიღებს და ღელეზე გადებულ ბოგირთან ახლოს დადებს.
კორონავირუსის პანდემიის გამო ბოლო ორი წელის განმავლობაში ტრადიციული ლელობურთი არ ჩატარებულა.
წელს კი ლელობურთი 24 აპრილს, 17:00 საათზე გაიმართება. ღონისძიების დაწყებამდე სხვადასხვა სახის სპორტული აქტივობებია დაგეგმილი. ასევე გაიმართება ადგილობრივი პროდუქტის გამოფენა-გაყიდვა.
შუხუთში ლელობურთი გაიმართა - ვიდეოკადრები >>
2019 წელს ლელობურთს არამატერიალური კულტურული მემკვიდრეობის ძეგლის სტატუსი მიენიჭა. გურულები ამ თამაშს უკავშირებენ „შუხუთფერდის“ ბრძოლას, რომელიც 1854 წელს გაიმართა. ისტორიული ბრძოლა, რომელიც ცნობილია როგორც ნიგოითის ბრძოლა, რუსეთ-თურქეთის ომის დროს მოხდა.
ლელო – გუნდური თამაშია, რომელიც ბევრი რამით ტრადიციულ რაგბს წააგავს. თამაშში ორი 30 წუთიანი ტაიმი და 10 წუთიანი შესვენებაა.
ყველა ახალი ამბავი
0