უცნობი და უსამართლოდ დავიწყებული - თამარ დე ლეტე-ვაჩნაძის საგანძური საქართველოს უბრუნდება

© courtesy of Artpalaceთამარ დე ლეტე–ვაჩნაძის ნამუშევარი
თამარ დე ლეტე–ვაჩნაძის ნამუშევარი - Sputnik საქართველო, 1920, 15.04.2022
გამოწერა
Yandex newsTelegram
მის შესახებ საქართველოში ცოტას თუ სმენია, მაგრამ ქართველი მხატვრის შესახებ, რომელიც Christian Dior-თან თანამშრომლობდა, მალე ბევრი შეიტყობს.
თბილისი, 15 აპრილი – Sputnik. საქართველოში ჩამოაქვთ მხატვარ თამარ დე ლეტე–ვაჩნაძის ნამუშევრები, რომელიც ესკიზებს ქმნიდა ფრანგული კომპანია Christian Dior-სთვის, იუწყება თბილისის ხელოვნების სასახლე.
მნიშვნელოვანი მოვლენის შესახებ ინფორმაცია მუზეუმის დირექტორმა გიორგი კალანდიამ გაავრცელა. მისი თქმით, დღეს ბევრი არ დაიჯერებს, რომ ქართველებს ჰყავდათ მხატვარი, რომელიც ესკიზებს კრისტიან დიორის მიერ შექმნილი ცნობილი ბრენდისა და მეწარმე მარსელ ბუსაკისთვის ქმნიდა.

„ნოე ჟორდანიას რძალი, სან-პაულუს თეატრის სამხატვრო ხელმძღვანელი, პარიზული შემოქმედებითი ელიტის გამორჩეული წევრი, თუმცა სამშობლოსთვის, საყვარელი საქართველოსთვის დღემდე უცნობი და უსამართლოდ დავიწყებული“, – წერს კალანდია.

ახლა საქართველოც გაიცნობს დე ლეტე–ვაჩნაძის უნიკალურ შემოქმედებას.
© artpalace.geChristian Dior-სთვის შექმნილი თამარ დე ლეტე–ვაჩნაძის ნამუშევარი
Рисунок Тамар де Лете-Вачнадзе, создавшей эскизы для Christian Dior - Sputnik საქართველო, 1920, 15.04.2022
Christian Dior-სთვის შექმნილი თამარ დე ლეტე–ვაჩნაძის ნამუშევარი
კალანდიას თქმით, თამარ დე ლეტე–ვაჩნაძის მემკვიდრეობა უკვე გზაშია. საქართველოში ბრუნდება არა მხოლოდ „კრისტიან დიორისთვის“ შექმნილი ესკიზები, არამედ ასევე პარიზისა და სან-პაულუს თეატრებისთვის შექმნილი 300-ზე მეტი ესკიზი, 30 ტილო, XIX საუკუნის 100-ზე მეტი უნიკალური ფოტო, XVIII საუკუნის ტილოები, ხელნაწერები და ა.შ.
© artpalace.geChristian Dior-სთვის შექმნილი თამარ დე ლეტე–ვაჩნაძის ესკიზი
Рисунок Тамар де Лете-Вачнадзе, создавшей эскизы для Christian Dior - Sputnik საქართველო, 1920, 15.04.2022
Christian Dior-სთვის შექმნილი თამარ დე ლეტე–ვაჩნაძის ესკიზი
კალანდია აღნიშნავს, რომ კოლექცია საქართველოს უბრუნდება მინისტრ თეა წულუკიანის პირადი ძალისხმევით, კულტურის სამინისტროს ფინანსური მხარდაჭერით. სამინისტროს დახმარების წყალობით მოხერხდა მემკვიდრეებთან შეთანხმება, რათა უნიკალური საგანძური ხელოვნების სასახლისთვის გადაეცათ, წერს მუზეუმის დირექტორი.
© artpalace.geთამარ დე ლეტე–ვაჩნაძის ნამუშევარი
Работа художницы Тамар де Лете-Вачнадзе - Sputnik საქართველო, 1920, 15.04.2022
თამარ დე ლეტე–ვაჩნაძის ნამუშევარი
ამ საქმეში შეუფასებელია ქართველი დიპლომატის გოჩა ჯავახიშვილის წვლილი, რომელმაც ეს საგანძური რამდენიმე წლის წინ იპოვა ატლანტის ოკეანის სანაპიროზე ქართველი ემიგრანტის ოჯახში.
ყველა ახალი ამბავი
0