მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ბელარუსმა რუსი სამხედროების შესახებ ინფორმაცია უარყო

© photo: Sputnik / Stringer / გადასვლა მედიაბანკშიბელარუსის საგარეო საქმეთა სამინისტრო
ბელარუსის საგარეო საქმეთა სამინისტრო - Sputnik საქართველო, 1920, 15.04.2022
გამოწერა
თბილისი, 15 აპრილი — Sputnik. რუსეთში ბელარუსის საელჩომ უარყო გავრცელებული ინფორმაცია – რომ გომელის ოლქის საავადმყოფოები დაჭრილი რუსი ჯარისკაცებითაა გადატვირთული.
მანამდე ინფორმაცია ამის შესახებ, დიპლომატიური მისიის წარმომადგენლების თქმით, სხვადასხვა Telegram-არხებით გავრცელდა.

„ბოლო დროს ინტერნეტით გავრცელდა პუბლიკაციები (უპირველეს ყოვლისა, ანონიმურ Telegram-არხებზე), თითქოს გომელის ოლქის საავადმყოფოები გადატვირთულია უკრაინაში სპეცოპერაციის დროს დაჭრილი რუსი სამხედრო მოსამსახურეებით. ასეთი მასალები ქვეყნდება „სიტუაციის მცოდნე ანონიმ წყაროებზე" დაყრდნობით“, — ნათქვამია უწყების Facebook-გვერდზე.

დიპლომატიურმა წარმომადგენლობამ ხაზგასმით აღნიშნა, რომ ეს ინფორმაცია სიმართლეს არ შეესაბამება.
„ჩვენ რეგულარულ კონტაქტებს ვინარჩუნებთ სამედიცინო დაწესებულებების ხელმძღვანელობასთან ბელარუსის იმ რეგიონებში, რომლებიც უკრაინას ესაზღვრება — გომელში, მოზირსა და ნაროვლიაში. სამედიცინო ორგანიზაციებს მსგავსი ხმების დამადასტურებელი ინფორმაცია არ აქვთ“, — აცხადებენ საელჩოში.
როგორც უწყებაში ამბობენ, ასეთი „სიყალბის გავრცელება არის არაკეთილმოსურნეთა პროვოკაცია“, რომელთა მიზანი — რუსეთისა და ბელორუსის დემონიზაციაა „დასავლელი კურატორების სახელმძღვანელოების მიხედვით და მათივე მხარდაჭერით“.
ყველა ახალი ამბავი
0