პარლამენტმა შატაკიშვილის პარლამენტის წევრის უფლებამოსილების ცნობის საკითხს მხარი დაუჭირა

© photo: Sputnikსაქართველოს პარლამენტი
საქართველოს პარლამენტი - Sputnik საქართველო, 1920, 12.04.2022
გამოწერა
Yandex newsTelegram
თბილისი, 12 აპრილი – Sputnik. საქართველოს პარლამენტმა 2 აპრილის შუალედური არჩევნების შედეგად ქალაქ რუსთავის N12 საარჩევნო ოლქში მაჟორიტარული საარჩევნო სისტემით არჩეული ირაკლი შატაკიშვილის უფლებამოსილების ცნობის საკითხს მხარი 91 ხმით, ერთხმად დაუჭირა.
დადგენილების შესაბამისი პროექტი პლენარულ სხდომაზე საპროცედურო საკითხთა და წესების კომიტეტის თავმჯდომარემ ირაკლი ქადაგიშვილმა წარადგინა.

„წარმოდგენილია ყველა საჭირო დოკუმენტი, რომლის საფუძველზეც შესაძლებელია ირაკლი შატაკიშვილისთვის პარლამენტის წევრის უფლებამოსილების მინიჭება“, – განაცხადა ქადაგიშვილმა.

პარლამენტის მაჟორიტარი დეპუტატის არჩევა რუსთავსა და გარდაბანში საჭირო გახდა მას შემდეგ, რაც 2020 წელს პარლამენტში არჩეულმა ნინო ლაცაბიძემ გასულ წელს რუსთავის მერის პოსტი დაიკავა.
ცესკომ პარლამენტის შუალედური არჩევნების შედეგები შეაჯამა>>
2 აპრილს ადგილისთვის სამი კანდიდატი იბრძოდა: მამუკა ტუსკაძე პარტიიდან „სოციალური სამართლიანობა“, ირაკლი შატაკიშვილი მმართველი პარტია „ქართული ოცნებიდან“ და ქამალ მურადხანოვი პარტიიდან „საქართველოს ერთიანობა და განვითარება“. შატაკიშვილმა ამომრჩეველთა ხმების 90,61% მიიღო.
ყველა ახალი ამბავი
0