მედვედევმა ევროპის გაზის გარეშე დატოვების „საუკეთესო მეთოდები“ ჩამოთვალა

© photo: Sputnik / Alexey Vitvitskiy / ფოტობანკში გადასვლა
  - Sputnik საქართველო, 1920, 31.03.2022
გამოწერა
Yandex newsTelegram
თბილისი, 31 მარტი — Sputnik. რუსეთის უშიშროების საბჭოს თავმჯდომარის მოადგილემ დმიტრი მედვედევმა ევროპის გაზის გარეშე დატოვების „საუკეთესო მეთოდები“ დაასახელა.
როგორც ცნობილია, რუსეთი ევროპას მოხმარებული გაზის დაახლოებით 40%-ს აწვდის და მისი უდიდესი ექსპორტიორია.

„ევროპის გაზის გარეშე დატოვების საუკეთესო მეთოდი: „ჩრდილოეთის ნაკადის“ გაყინვა, რუსეთის ცენტრალური ბანკის აქტივების გაყინვა, რუსეთის გაზზე უარის თქმა მომდევნო ორი წლის განმავლობაში, უარი რუბლის შეძენაზე გაზის საფასურის საკონტრაქტო ვალუტაში გადასახდელად, ჩხრეკების ჩატარება გერმანიაში „გაზპრომის“ ოფისებში. ყოჩაღ! ასეთია ევროპელი პოლიტიკოსების ბრძნული გადაწყვეტილებები!“ — დაწერა მედვედევმა საკუთარ ტელეგრამ-არხზე.

უკრაინაში რუსეთის „სპეცოპერაციის“ ფონზე დასავლეთის ქვეყნებმა ანტირუსული სანქციების დაწესება დაიწყეს. აკრძალვები ენერგეტიკის სექტორსაც შეეხო. თუმცა სანქციების ნეგატიური ეფექტი თავად ევროკავშირის წევრმა ქვეყნებმაც იგრძნეს: ქვეყნებში საწვავის ფასების სწრაფი ზრდა დაიწყო, რასაც საპროტესტო აქციები და გაფიცვები მოჰყვა საბერძნეთში, იტალიაში, ესპანეთსა და საფრანგეთში.
ამის პარალელურად ბენზინის ფასი იზრდება შეერთებულ შტატებშიც. იმატა ინფლაციამ. თებერვალში მან 7,9%-ს მიაღწია, რითაც 40-წლიანი მაქსიმუმი განაახლა.
ყველა ახალი ამბავი
0