საქართველო ტერიტორიული საკითხების გადაჭრას მშვიდობიანი გზით აპირებს

© courtesy of Giorgi Kakhianiგიორგი კახიანი
გიორგი კახიანი - Sputnik საქართველო, 1920, 30.03.2022
გამოწერა
Yandex newsTelegram
მშვიდობას სხვა ალტერნატივა არ აქვს, დარწმუნებული არიან მმართველ პარტიაში.
თბილისი, 30 მარტი – Sputnik. საქართველო ტერიტორიული პრობლემების გადაჭრას მხოლოდ და მხოლოდ მშვიდობიანი მეთოდებით აპირებს, განაცხადა საპარლამენტო უმრავლესობის წევრმა გიორგი კახიანმა.
მისი თქმით, საქართველოს ხელისუფლების პოლიტიკა ამ საკითხში არ შეცვლილა. კახიანმა ასევე აღნიშნა, რომ საჭიროა აღდგეს ნდობა ოს და აფხაზ ძმებთან.

„რაც არ უნდა პროვოკაციები იყოს და, სამწუხაროდ, რამდენი ასეთი პროვოკაცია, პირდაპირი მცდელობები ვნახეთ, რომ საქართველო ჩათრეული ყოფილიყო საომარ მოქმედებებში, ჩვენ ამას ცივი გონებით ვპასუხობთ და ვატარებთ პოლიტიკას, რომელიც ქვეყნის ინტერესებიდან გამომდინარეობს“, – განუცხადა ჟურნალისტებს გიორგი კახიანმა.

კობახიძე: საქართველო ტერიტორიული პრობლემების მშვიდობიანი გზით მოგვარების მომხრეა >>
საქართველომ აფხაზეთსა და ცხინვალის რეგიონზე კონტროლი 1990-იანების დასაწყისში დაკარგა შეიარაღებული კონფლიქტის შემდეგ. 2008 წლის აგვისტოს ომის შემდეგ კი რუსეთმა მათი დამოუკიდებლობა აღიარა.
ყველა ახალი ამბავი
0