ირაკლი ღარიბაშვილი სომხეთის საგარეო საქმეთა მინისტრს შეხვდა

© Government of Georgiaარარატ მირზოიანი და ირაკლი ღარიბაშვილი
არარატ მირზოიანი და ირაკლი ღარიბაშვილი - Sputnik საქართველო, 1920, 29.03.2022
გამოწერა
Yandex newsTelegram
საქართველო ყოველთვის მხარს უჭერდა მშვიდობიან თანამშრომლობას და თანაარსებობას სამხრეთ კავკასიაში, განაცხადა პრემიერ-მინისტრმა.
თბილისი, 29 მარტი – Sputnik. საქართველოს პრემიერ-მინისტრი ირაკლი ღარიბაშვილი სომხეთის რესპუბლიკის საგარეო საქმეთა მინისტრს არარატ მირზოიანს შეხვდა, იუწყება საქართველოს მთავრობის ადმინისტრაციის პრეს-სამსახური.
სომხეთის საგარეო პოლიტიკური უწყების ხელმძღვანელი საქართველოში სამუშაო ვიზიტით იმყოფება. მანამდე ის ქართველ კოლეგა დავით ზალკალიანს შეხვდა.
ღარიბაშვილთან შეხვედრისას განიხილეს რეგიონში არსებული ვითარება. ყურადღება დაეთმო საქართველოს პრემიერ-მინისტრის მიერ ინიცირებულ „მშვიდობიან სამეზობლო ინიციატივას", რომელიც მიზნად ისახავს სამხრეთ კავკასიის ქვეყნებს შორის დიალოგის ფორმატის ჩამოყალიბებას.
ხაზგასმით აღინიშნა, რომ საქართველო ყოველთვის მხარს უჭერდა მშვიდობიან თანამშრომლობას და თანაარსებობას სამხრეთ კავკასიაში და მზადაა თავისი წვლილი შეიტანოს რეგიონულ დიალოგში.
სომხეთის საგარეო საქმეთა მინისტრი საქართველოში შეხვედრებს მართავს >>
შეხვედრაზე ხაზი გაესვა ქვეყნებს შორის არსებულ მეგობრულ და კეთილმეზობლურ ურთიერთობებს.
საქართველომ და სომხეთმა დიპლომატიური ურთიერთობები 1992 წლის 17 ივლისს დაამყარეს. ქვეყნები თანამშრომლობენ ვაჭრობის, ტრანსპორტის, ენერგეტიკისა და ტურიზმის სფეროებში.
დიპლომატიური ურთიერთობების 30 წლის მანძილზე საქართველომ და სომხეთმა საერთაშორისო ხასიათის ათობით დოკუმენტი გააფორმეს ვაჭრობის, მწარმოებლების საკუთრების უფლებების დაცვის, ნარკოტიკული და ფსიქოტროპული ნივთიერებების უკანონო ბრუნვის წინააღმდეგ ბრძოლის და სხვა სფეროებში.
წყარო - საქართველოს მთავრობის ადმინისტრაციის პრესსამსახური.
ყველა ახალი ამბავი
0