https://sputnik-georgia.com/20220321/letalobis-machvenebeli-shemcirda-gamkrelidze-epidvitarebas-apasebs-265386895.html
ლეტალობის მაჩვენებელი შემცირდა - გამყრელიძე ეპიდვითარებას აფასებს
ლეტალობის მაჩვენებელი შემცირდა - გამყრელიძე ეპიდვითარებას აფასებს
Sputnik საქართველო
საქართველოში ჯერჯერობით არ დაფიქსირებულა კორონავირუსის ახალი ვარიანტი, თუმცა ამის ალბათობა არსებობს, დასძინა ეპიდემიოლოგმა. 21.03.2022-ს, Sputnik საქართველო
2022-03-21T18:37+0400
2022-03-21T18:37+0400
2023-08-17T18:16+0400
covid-19 - ბოლო ცნობები
საქართველო
საზოგადოება
ახალი ამბები
covid-19
https://cdnn1.img.sputnik-georgia.com/img/07e5/07/1c/252441160_0:39:1024:615_1920x0_80_0_0_3cb02c77a96c4ad8973719a7bc526222.jpg
თბილისი, 21 მარტი — Sputnik. საქართველოში კორონავირუსულ ინფექციასთან დაკავშირებული ეპიდსიტუაცია თანდათან დასტაბილურდა, ინფიცირებისა და ლეტალობის დღიური მაჩვენებელი მცირდება, განაცხადა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ.იანვარი–თებერვლის დასაწყისში საქართველო კორონავირუსის მეექვსე ტალღას ებრძოდა, რომელიც „ომიკრონ“ შტამს უკავშირდებოდა. აღნიშნულ პერიოდში ინფიცირების დღიური მაჩვენებელი 20-24 ათასს აჭარბებდა. 31 იანვარს გამოვლინდა 26 ათასზე მეტი შემთხვევა. თებერვლის შუა რიცხვებიდან კი ეპიდვითარების მკვეთრი გაუმჯობესება შეიმჩნევა. ბოლო 24 საათში ქვეყანაში კორონავირუსის 368 შემთხვევა დაფიქსირდა.ეპიდემიოლოგმა უკმაყოფილება გამოთქვა იმასთან დაკავშირებით, რომ საქართველოში ვაქცინაციის დაბალი მაჩვენებელია. მისი თქმით, იანვარში დღეში 7 ათასი აცრა ტარდებოდა, თებერვალში – 3 ათასი, მარტში კი – მხოლოდ 1 ათასი და უფრო ნაკლებიც.„ეს ძალიან ცუდია, რადგან საქართველოში იმუნური ფენა ჯერჯერობით დაბალია. აცრილია მხოლოდ ზრდასრული მოსახლეობის 43,6%, „ბუსტერ-დოზა“ გაკეთებული აქვს 8%-ს“, – განაცხადა გამყრელიძემ.მან მოსახლეობას სიფრთხილის გამოჩენისკენ მოუწოდა და აღნიშნა, რომ რიგ ქვეყნებში, კერძოდ, ავსტრიაში, დანიაში, დიდ ბრიტანეთში, ჰონკონგსა და ჩინეთის ზოგიერთ ქალაქში ამჟამად „ომიკრონის“ მეორე ტალღა შეიმჩნევა. გამყრელიძე დარწმუნებულია, რომ იქ, სადაც ვაქცინაციის მაჩვენებელი დაბალია, შესაძლებელია ინფიცირების გარკვეული მატების ტენდენცია დაფიქსირდეს. ამიტომაც მთავარი ეპიდემიოლოგი იმუნური ფენის გაძლიერების მოწოდებით გამოდის. განსაკუთრებით მნიშვნელოვანია „ბუსტერ-დოზა“, დასძინა გამყრელიძემ.რაც შეეხება კორონავირუსის ჰიბრიდულ ვარიანტ „დელტაკრონს“, რომელიც მსოფლიოს რამდენიმე ქვეყანაში დაფიქსირდა, გამყრელიძის თქმით, წინასწარი მონაცემებით, აღნიშნულ შტამს „დელტას“ მსგავსი გართულებები არ ახასიათებს.„წინასწარი ინფორმაციით, მას „დელტას“ სიმძიმე არ ახასიათებს და ჭარბობს „ომიკრონის“ თვისებები, რომელიც უფრო მსუბუქი მიმდინარეობით ხასიათდება. ჩვენ თვალყურს ვადევნებთ“, – განაცხადა გამყრელიძემ.როგორც მან აღნიშნა, საქართველოში ჯერჯერობით არ დაფიქსირებულა კორონავირუსის ახალი ვარიანტი, თუმცა ამის ალბათობა არსებობს.
https://sputnik-georgia.com/20220314/ra-icis-koronavirusis-axal-stamze-tengiz-cercvazem-265212551.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2022
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საზოგადოება, ახალი ამბები, covid-19
საქართველო, საზოგადოება, ახალი ამბები, covid-19
ლეტალობის მაჩვენებელი შემცირდა - გამყრელიძე ეპიდვითარებას აფასებს
18:37 21.03.2022 (განახლებულია: 18:16 17.08.2023) საქართველოში ჯერჯერობით არ დაფიქსირებულა კორონავირუსის ახალი ვარიანტი, თუმცა ამის ალბათობა არსებობს, დასძინა ეპიდემიოლოგმა.
თბილისი, 21 მარტი — Sputnik. საქართველოში კორონავირუსულ ინფექციასთან დაკავშირებული ეპიდსიტუაცია თანდათან დასტაბილურდა, ინფიცირებისა და ლეტალობის დღიური მაჩვენებელი მცირდება, განაცხადა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ.
იანვარი–თებერვლის დასაწყისში საქართველო კორონავირუსის მეექვსე ტალღას ებრძოდა, რომელიც „ომიკრონ“ შტამს უკავშირდებოდა. აღნიშნულ პერიოდში ინფიცირების დღიური მაჩვენებელი 20-24 ათასს აჭარბებდა. 31 იანვარს გამოვლინდა 26 ათასზე მეტი შემთხვევა. თებერვლის შუა რიცხვებიდან კი ეპიდვითარების მკვეთრი გაუმჯობესება შეიმჩნევა. ბოლო 24 საათში ქვეყანაში კორონავირუსის 368 შემთხვევა დაფიქსირდა.
„ყოველდღიური შემთხვევების კლების ტენდენცია გრძელდება, ინციდენტობის, დადებითობის, ასევე რეპროდუქციის ინდექსი უფრო მცირდება. მნიშვნელოვანია, რომ იკლებს სიკვდილიანობა“, – განაცხადა გამყრელიძემ.
ეპიდემიოლოგმა უკმაყოფილება გამოთქვა იმასთან დაკავშირებით, რომ საქართველოში ვაქცინაციის დაბალი მაჩვენებელია. მისი თქმით, იანვარში დღეში 7 ათასი აცრა ტარდებოდა, თებერვალში – 3 ათასი, მარტში კი – მხოლოდ 1 ათასი და უფრო ნაკლებიც.
„ეს ძალიან ცუდია, რადგან საქართველოში იმუნური ფენა ჯერჯერობით დაბალია. აცრილია მხოლოდ ზრდასრული მოსახლეობის 43,6%, „ბუსტერ-დოზა“ გაკეთებული აქვს 8%-ს“, – განაცხადა გამყრელიძემ.
მან მოსახლეობას სიფრთხილის გამოჩენისკენ მოუწოდა და აღნიშნა, რომ რიგ ქვეყნებში, კერძოდ, ავსტრიაში, დანიაში, დიდ ბრიტანეთში, ჰონკონგსა და ჩინეთის ზოგიერთ ქალაქში ამჟამად „ომიკრონის“ მეორე ტალღა შეიმჩნევა.
გამყრელიძე დარწმუნებულია, რომ იქ, სადაც ვაქცინაციის მაჩვენებელი დაბალია, შესაძლებელია ინფიცირების გარკვეული მატების ტენდენცია დაფიქსირდეს. ამიტომაც მთავარი ეპიდემიოლოგი იმუნური ფენის გაძლიერების მოწოდებით გამოდის. განსაკუთრებით მნიშვნელოვანია „ბუსტერ-დოზა“, დასძინა გამყრელიძემ.
რაც შეეხება კორონავირუსის ჰიბრიდულ ვარიანტ „დელტაკრონს“, რომელიც მსოფლიოს რამდენიმე ქვეყანაში დაფიქსირდა, გამყრელიძის თქმით, წინასწარი მონაცემებით, აღნიშნულ შტამს „დელტას“ მსგავსი გართულებები არ ახასიათებს.
„წინასწარი ინფორმაციით, მას „დელტას“ სიმძიმე არ ახასიათებს და ჭარბობს „ომიკრონის“ თვისებები, რომელიც უფრო მსუბუქი მიმდინარეობით ხასიათდება. ჩვენ თვალყურს ვადევნებთ“, – განაცხადა გამყრელიძემ.
როგორც მან აღნიშნა, საქართველოში ჯერჯერობით არ დაფიქსირებულა კორონავირუსის ახალი ვარიანტი, თუმცა ამის ალბათობა არსებობს.
