ბელარუსიდან 254 სახეობის პროდუქციის გატანა აიკრძალა

© photo: Sputnik / Y. Ivanov / გადასვლა მედიაბანკშიბელარუსის მთავრობის სახლი
ბელარუსის მთავრობის სახლი - Sputnik საქართველო, 1920, 21.03.2022
გამოწერა
დოკუმენტში მითითებულია 254 სახეობის პროდუქცია. დაზუსტებულია, რომ აღნიშნული ზომა მიზნად ისახავს სახელმწიფოს ეკონომიკური ინტერესების დაცვას
თბილისი, 21 მარტი - Sputnik. გაფართოებულია საქონლის ჩამონათვალი, რომელთა გატანა ბელარუსიდან აკრძალულია, ინფორმაციას Sputnik-ბელარუსი ავრცელებს.
დაზუსტებულია, რომ ორ შესაბამის დოკუმენტს ხელი მოაწერა ბელარუსის პრემიერ-მინისტრმა რომან გოლოვჩენკომ.
პირველი დადგენილება შეეხება გადამუშავებულ მარცვლეულს, რომელიც ცხოველების საკვებად გამოიყენება. აიკრძალა ასევე ცილოვანი ნედლეულის გატანა, რომელიც კომბინირებული საკვების წარმოებისას გამოიყენება.
აქვე აღნიშნულია, რომ დოკუმენტი წარმოადგენს დადგენილების გაფართოებულ ვარიანტს, რომლითაც გახანგრძლივდა ბელარუსიდან მარცვლეულის ძირითადი სახეობების გატანის აკრძალვის ვადა. ის ვრცელდება ხორბლის, ჭვავის, ქერის, შვრიის, სიმინდის, წიწიბურას, ფეტვის, სხვა მარცვლეულის, დაღერღილი მარცვლეულის, რაფსის თესლის, მზესუმზირის თესლის, კოპტონის და სხვ. გატანაზე, ნათქვამია დოკუმენტში.
მეორე დადგენილებით აიკრძალება სამრეწველო პროდუქციის ცალკეული სახეობების გატანა.
სულ დოკუმენტში საუბარია 254 სახეობის პროდუქციაზე. დაზუსტებულია, რომ აღნიშნული ზომა მიზნად ისახავს სახელმწიფოს ეკონომიკური ინტერესების დაცვას.
მინისტრთა საბჭოს პრესსამსახური აზუსტებს, რომ ორივე დოკუმენტის მოქმედების ვადა ექვსი თვით განისაზღვრა. ისინი ოფიციალურად სამშაბათს, 22 მარტს გამოქვეყნდება და მაშინვე შევა ძალაში.
აღსანიშნავია, რომ ზემოხსენებული მარცვლეულის გარდა, ბელარუსიდან დროებით აკრძალულია ხორბლის ფქვილისა და წიწიბურას გატანა.
ყველა ახალი ამბავი
0