მსოფლიო ხელისგულზე - , 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

გაერო: რუსეთის მსოფლიო ტურისტული ორგანიზაციიდან გარიცხვა დამღუპველი პრეცედენტი იქნება

თბილისი, 18 მარტი — Sputnik. გაეროს გენერალურ მდივან ანტონიუ გუტერიშს მიაჩნია, რომ ტურიზმის მსოფლიო ორგანიზაციაში (UNWTO) რუსეთის წევრობის შეჩერება დამღუპველ პრეცედენტს შექმნის სისტემის ფუნქციონირებაში, განაცხადა გაეროს ოფიციალურმა წარმომადგენელმა სტეფან დიუჟარიკმა.
მანამდე აღნიშნული ინიციატივა რამდენიმე ქვეყანამ წამოაყენა – ლიეტუვამ, გვატემალამ, პოლონეთმა, სლოვენიამ და უკრაინამ. მსგავსი ზომების მიღება მათ უკრაინაში რუსეთის მიერ დაწყებული „სამხედრო სპეცოპერაციის“ გამო მოითხოვეს.
დიუჟარიკმა, ამასთან, განმარტა, რომ გუტერიშს არ შეუძლია UNWTO-ში რაიმე გადაწყვეტილების მიღება.

„როგორც იცით, გენერალურ მდივანს არ გააჩნია არანაირი უფლებამოსილება გაეროს მსოფლიო ტურისტული ორგანიზაციის მიმართ, რომელიც ორგანიზაციის სისტემის სპეციალიზებული დაწესებულებაა. <...> თუმცა [ანტონიუ გუტერიშს] მიაჩნია, რომ ამან შეიძლება დამღუპველი პრეცედენტი შექმნას მრავალმხრივი სისტემის ფუნქციონირებისთვის“, — აღნიშნა დიუჟარიკმა.

მანამდე UNWTO-ს აღმასრულებელმა საბჭომ მხარი დაუჭირა უახლოეს დროში რიგგარეშე გენერალური ასამბლეის ჩატარებას, რომელზეც რუსეთისთვის წევრობის შეჩერების საკითხი გადაწყდება — უკრაინაში დაწყებული „სამხედრო სპეცოპერაციის“ გამო.
  - , 1920, 18.03.2022
მსოფლიო დღეს
კულება რუსეთის კიდევ ერთი საერთაშორისო ორგანიზაციიდან გარიცხვას მოითხოვს
გარდა ამისა, უკრაინის უმაღლესმა რადამ რუსეთის გაეროს უშიშროების საბჭოდან გარიცხვა მოითხოვა, ქვეყნის საგარეო საქმეთა მინისტრმა დმიტრო კულებამ – FATF-დან, ხოლო ბრიტანეთმა, შეერთებულმა შტატებმა, კანადამ, ავსტრალიამ და ახალმა ზელანდიამ ინტერპოლს მოსთხოვეს რუსეთის წევრობის შეჩერება. ამ დროისათვის რუსეთი უკვე გასულია ევროსაბჭოდან, რომელიც, სახელმწიფო სათათბიროს ვიცე-სპიკერ პიოტრ ტოლსტოის განცხადებით, მოსკოვმა საკუთარი ნებით დატოვა.
რუსეთის პრეზიდენტმა ვლადიმირ პუტინმა, დონეცკისა და ლუგანსკის მოთხოვნის პასუხად, ეღიარებინა მათი სუვერენიტეტი, 21 თებერვალს ხელი მოაწერა შესაბამის ბრძანებულებებს, ხოლო 24 თებერვალს „სპეციალური სამხედრო ოპერაცია“ დაიწყო „უკრაინის დემილიტარიზაციისა და დენაციფიკაციის“ მიზნით. ამის საპასუხოდ შეერთებულმა შტატებმა, ევროკავშირის ქვეყნებმა და რიგმა სხვა სახელმწიფოებმა ახალი სანქციები დააწესეს რუსეთისა და უდიდესი რუსული ორგანიზაციების წინააღმდეგ.
ყველა ახალი ამბავი
0