ძიუდო: ცნობილი გახდა ანტალიის გრანდ სლემისთვის საქართველოს ნაკრების შემადგენლობა

ძიუდო - Sputnik საქართველო, 1920, 16.03.2022
გამოწერა
Yandex newsTelegram
საქართველოს ნაკრებს ორ წონით კატეგორიაში წარმომადგენელი არ ეყოლება. ანტალიის გრანდ სლემი 1-3 აპრილს ჩატარდება.
თბილისი, 16 მარტი – Sputnik. საქართველოს ძიუდოს ნაკრების სამწვრთნელო შტაბმა თურქეთის ქალაქ ანტალიაში დაგეგმილი გრანდ სლემისთვის ნაკრების წინასწარი შემადგენლობა დაასახელა.
ამჟამინდელი მონაცემებით, თურქულ ტურნირზე შვიდი ქართველი ძიუდოისტი იასპარეზებს. მიუხედავად მონაწილეთა მცირე რაოდენობისა, საქართველოს ნაკრები გრანდ სლემზე საკმაოდ ძლიერი შემადგენლობით წარდგება:
ლუხუმ ჩხვიმიანი, ჯაბა პაპინაშვილი (ორივე 60 კგ), გიორგი შერაზადიშვილი (81 კგ), ბექა ღვინიაშვილი, ლუკა მაისურაძე (ორივე 90 კგ), ონისე სანებლიძე (100 კგ) და გურამ თუშიშვილი (+100 კგ).
აღსანიშნავია, რომ ლაშა გუჯეჯიანის ნაკრებიდან 66 და 73 კილოგრამ წონით კატეგორიებში არავინ გამოვა.
ანტალიის გრანდ სლემი 1-3 აპრილსაა დაგეგმილი. ამ დროის მონაცემებით, ტურნირზე 61 ქვეყნის წარმომადგენელი 447 ძიუდოისტია დარეგისტრირებული.
ძიუდო: თბილისის გრანდ-სლემი მარტის ნაცვლად ივნისში ჩატარდება>>
საქართველოს ნაკრებმა ბოლოს ისრაელში, თელ-ავივის გრანდ სლემზე იასპარეზა, სადაც ლაშა გუჯეჯიანის გუნდის ანგარიშზე 2 ოქროსა და 1 ვერცხლის მედალია.
ყველა ახალი ამბავი
0