ვინ რა ტემპით უნდა იაროს ფეხით, რომ სწრაფად გახდეს: რეკომენდაციები და განმარტებები

© Pixabay / sucფეხშიშველი სიარული
ფეხშიშველი სიარული - Sputnik საქართველო, 1920, 15.03.2022
გამოწერა
Yandex newsTelegram
წონაში დაკლებისა და სასურველ ფორმაში ჩასადგომად ბევრი ჩვენგანი დიეტას იცავს, ბევრი - ტრენაჟორებზე ვარჯიშობს ან აუზში ცურავს, მაგრამ...
ეს ყველაფერი კარგია და ეფექტური, მაგრამ, როგორც მთელი რიგი კვლევები აჩვენებს, ზედმეტ კილოგრამებთან ბრძოლისთვის ყოველდღიურად ფეხით სიარული მეტად თუ არა, ნაკლებად ეფექტური ნამდვილად არ არის.
ქვემოთ გთავაზობთ "სეირნობის" წესებს, რომლებიც ფიზიკური ვარჯიშებისა თუ დიეტების კომპლექსს შეგიცვლით.

გავლილი მანძილი, სიარულის სიჩქარე და თქვენი წონა — ეს ის მთავარი ფაქტორებია, რომლებიც სიარულისას კალორიების წვაზე ახდენს გავლენას.

იმისათვის, რომ შედეგი მიიღოთ, კარგი იქნება, თუ რეგულარულად ივლით და ნაბიჯების მზომით აღიჭურვებით, რომელიც მარტივად შეგიძლიათ გადმოწეროთ სმარტფონზე. ეს მიახლოებით გამოთვლები დაგეხმარებათ, შეადგინოთ დატვირთვის საკუთარი გეგმა.
ოღონდ გაითვალისწინეთ, რომ ძალიან ბევრია დამოკიდებული ორგანიზმის თავისებურებებზე, ცხოვრების პირობებზე, კვებასა და ჯანმრთელობის მდგომარეობაზე.
უნდა იცოდეთ, რომ:
100 კკლ = 2.000 ნაბიჯს, ანუ 1,6 კმ-ს;
7.000 კკლ = 1 კგ = 140.000 ნაბიჯი = 112 კმ-ს.
გაითვალისწინეთ:
ადამიანებს სხვადასხვა ზომის ნაბიჯები აქვთ. მათი სიგრძე 40-დან 100 სმ-მდე მერყეობს. იმისათვის, რომ საკუთარი ნაბიჯის სიგრძე დაადგინოთ, გაიარეთ დაახლოებით 20 მეტრი საშუალო სიჩქარით და დაითვალეთ ნაბიჯები. ამის შემდეგ გადაიყვანეთ გავლილი მანძილი სანტიმეტრებში და გაყავით ნაბიჯების რაოდენობაზე. მიღებული პასუხი იქნება თქვენი ნაბიჯის სიგრძე.

რეკომენდაციები ტემპზე

კიბეზე ფეხით სიარული - Sputnik საქართველო, 1920, 15.06.2021
სწრაფად გახდომისთვის: კიბეებზე სიარულის წესები წონაში დაკლების მსურველთათვის
ქვემოთ გთავაზობთ ერთ წუთში გადადგმული ნაბიჯების რაოდენობის სარეკომენდაციო მონაცემებს.
წუთში 70 ნაბიჯი — ჯანმრთელ ადამიანებზე ასეთი სიჩქარე პრაქტიკულად არ ახდენს ეფექტს. ეს ტემპი რეკომენდებულია სტენოკარდიით დაავადებულებისთვის ან ინფარქტგადატანილებისთვის;
წუთში 71−90 ნაბიჯი, ანუ სათში 3−4 კმ — ასეთი სისწრაფე რეკომენდებულია გულ-სისხლძარღვთა დაავადებების მქონეებისთვის;
წუთში 91−110 ნაბიჯი, ანუ საათში 4−5 კმ — ასეთი ტემპით სიარული საგრძნობი დატვირთვაა ორგანიზმისთვის და რეკომენდებულია ყველა ჯანმრთელი ადამიანისთვის.
წუთში 111−130 ნაბიჯი — ეს ტემპი არაჩვეულებრივი ვარჯიშია სხეულისთვის, მაგრამ ასეთი სიჩქარის გაძლება დიდი ხნის განმავლობაში ჯანმრთელ ადამიანებსაც კი უჭირთ.

დატვირთვის დონე

დაიწყეთ სიარული მცირე დატვირთვით და თანდათან მოუმატეთ სიჩქარესაც და სეირნობის ხანგრძლივობასაც. თავდაპირველად ჯობს დატვირთვა მანძილის, უკვე მერე კი სიჩქარის ხარჯზეც გაზარდოთ. დატვირთვა უნდა იყოს თქვენი ჯანმრთელობის მდგომარეობის ადეკვატური.
უნდა იაროთ რეგულარულად. კვირაში ერთი დღე სიარული არანაირი ეფექტის მომტანი არ არის. თუ ყოველდღე ვერა, კვირაში 2-3 დღე მაინც იარეთ ფეხით, დღის ნებისმიერ დროს, ოღონდ ჭამიდან 1–1,5 საათის შემდეგ.
გაითვალისწინეთ, რომ სიარულის დროს მხრები გამართული, ხოლო მუცელი დაჭიმული უნდა გქონდეთ.
დაიმახსოვრეთ: ძალიან ნელი სიარულითა და მოკლე მანძილის გავლით შედეგს ვერ მიიღებთ, ხოლო ხანგრძლივად და სწრაფად სიარულით შესაძლოა ზიანი მიიყენოთ.
ყველა ახალი ამბავი
0