მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ბაიდენი და მაკრონი რუსეთის მიმართ სანქციებს კიდევ გაამკაცრებენ: შეთანხმება მიღწეულია

© AP Photo / Charles Platiau
  - Sputnik საქართველო, 1920, 14.03.2022
გამოწერა
თბილისი, 14 მარტი — Sputnik. საფრანგეთის პრეზიდენტი ემანუელ მაკრონი ტელეფონით ესაუბრა აშშ-ისა და უკრაინის პრეზიდენტებს — ჯო ბაიდენსა და ვოლოდიმირ ზელენსკის, რა დროსაც პარიზი და ვაშინგტონი ანტირუსული სანქციების გაძლიერებაზე შეთანხმდნენ.

„ორი ლიდერი შეთანხმდა, რომ გააძლიერებენ რუსეთის წინააღმდეგ დაწესებულ სანქციებს, დაეხმარებიან უკრაინას და ერთობლივად მიიღებენ ყველა სასარგებლო ინიციატივას საბრძოლო მოქმედებების შესაწყვეტად“, — ნათქვამია ელისეს სასახლის მიერ გავრცელებულ განცხადებაში.

არსებული ინფორმაციით, პრეზიდენტ ზელენსკისთან საუბრისას მხარეებმა ასევე განიხილეს წინადადება კიევსა და მოსკოვს შორის მოლაპარაკებების თაობაზე. ქვეყნების ლიდერები კოორდინაციას უახლოეს დღეებში განაგრძობენ.
რუსეთის პრეზიდენტმა ვლადიმირ პუტინმა, დონეცკისა და ლუგანსკის მოთხოვნის პასუხად, ეღიარებინა მათი სუვერენიტეტი, 21 თებერვალს ხელი მოაწერა შესაბამის ბრძანებულებებს, ხოლო 24 თებერვალს „სპეციალური სამხედრო ოპერაცია“ დაიწყო „უკრაინის დემილიტარიზაციისა და დენაციფიკაციის“ მიზნით.
  - Sputnik საქართველო, 1920, 14.03.2022
რუსეთის საგარეო უწყება: დასავლეთის ზეწოლა მოსკოვს კურსს ვერ შეაცვლევინებს
ამის საპასუხოდ შეერთებულმა შტატებმა, ევროკავშირის ქვეყნებმა და რიგმა სხვა სახელმწიფოებმა, მათ შორის იაპონიამ, ახალი სანქციები დააწესეს რუსეთისა და უდიდესი რუსული ორგანიზაციების წინააღმდეგ. როგორც რუსეთის პრეზიდენტის პრეს-მდივანმა დმიტრი პესკოვმა განაცხადა, დასავლური სანქციები ძალიან სერიოზულია, თუმცა რუსეთი ამისთვის წინასწარ ემზადებოდა. მოგვიანებით რუსეთის საგარეო საქმეთა სამინისტრომ განაცხადა, რომ დასავლეთის წინააღმდეგ საპასუხო პირადი სანქციების სიები მზად არის.
წყარო: Elysee
ყველა ახალი ამბავი
0