„არის დადებითი ძვრები“: პუტინმა უკრაინასთან მოლაპარაკებები შეაფასა

© photo: Sputnik / Alexander Kriyazhev / ფოტობანკში გადასვლა
  - Sputnik საქართველო, 1920, 11.03.2022
გამოწერა
Yandex newsTelegram
თბილისი, 11 მარტი — Sputnik. უკრაინასთან მოლაპარაკებებში დადებითი ძვრებია მიღწეული, განაცხადა რუსეთის პრეზიდენტმა ვლადიმირ პუტინმა ბელარუსის ლიდერ ალექსანდრ ლუკაშენკოსთან შეხვედრისას.

„რა თქმა უნდა, გაგაცნობთ უკრაინის მიმართულებით არსებულ ვითარებას და უპირველესად იმას გაცნობებთ, თუ როგორ მიმდინარეობს მოლაპარაკებები, რომლებიც ახლა პრაქტიკულად ყოველდღიურად იმართება. არის გარკვეული პოზიტიური ძვრები, როგორც ეს ჩვენმა მომლაპარაკებლებმა მომახსენეს. ყველაფერ ამაზე დეტალურად გიამბობთ“, — უთხრა პუტინმა ლუკაშენკოს.

ორი ქვეყნის ლიდერებმა რუსეთისა და ბელარუსის ეკონომიკაზე შემაკავებელი ზომების გავლენაზე იმსჯელეს. პუტინმა აღნიშნა, რომ მოსკოვისა და მინსკის განვითარების შეზღუდვის მცდელობები ყოველთვის იყო, მაგრამ რუსები და ბელარუსები ყოველთვის ახერხებდნენ ამ დაბრკოლებების გადალახვას. თავის მხრივ, ლუკაშენკომ განაცხადა, რომ ასეთი გამოწვევები მხოლოდ განვითარებისთვის ბიძგია.
  - Sputnik საქართველო, 1920, 08.03.2022
მსოფლიო დღეს
ევროკავშირმა ბელარუსი თანააგრესორ ქვეყნად გამოაცხადა
რუსეთის პრეზიდენტმა ვლადიმირ პუტინმა, დონეცკისა და ლუგანსკის მოთხოვნის პასუხად, ეღიარებინა მათი სუვერენიტეტი, 21 თებერვალს ხელი მოაწერა შესაბამის ბრძანებულებებს, ხოლო 24 თებერვალს „სპეციალური სამხედრო ოპერაცია“ დაიწყო „უკრაინის დემილიტარიზაციისა და დენაციფიკაციის“ მიზნით.
რამდენიმე დღის წინ ევროკავშირმა ბელარუსი უკრაინაში მიმდინარე შეიარაღებულ კონფლიქტში თანააგრესორ ქვეყანად გამოაცხადა. როგორც ევროკავშირის განცხადებაშია ნათქვამი, „უკრაინის წინააღმდეგ წარმოებული სრულმასშტაბიანი ომი“ არის საერთაშორისო სამართლისა და გაეროს წესდების უხეში დარღვევა, რაშიც „ლუკაშენკოს რეჟიმი თანააგრესორად მონაწილეობს და სრულად აგებს პასუხს ადამიანურ მსხვერპლსა და ნგრევაზე“.
ყველა ახალი ამბავი
0