Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

სკოლებში კორონავირუსის შემთხვევები საგრძნობლად შემცირდა

© Sputnik / STRINGER მოსწავლეები
მოსწავლეები - Sputnik საქართველო, 1920, 05.03.2022
გამოწერა
Yandex newsTelegram
ამ დროისთვის საქართველოს საჯარო და კერძო სკოლებიდან 32 სკოლა სრულად დისტანციურ სწავლებაზეა გადასული.
თბილისი, 5 მარტი - Sputnik. საქართველოს საჯარო და კერძო სკოლებში ბოლო ერთი კვირის განმავლობაში კორონავირუსით ინფიცირების მაჩვენებელი საგრძნობლად შემცირდა, იუწყება განათლებისა და მეცნიერების სამინისტრო.
უწყების ცნობით, ვირუსი მასწავლებელთა 1,5%-ს, ხოლო მოსწავლეების 0,6%-ს დაუდასტურდა.
ამ ეტაპზე საქართველოს 2.085 საჯარო და 217 კერძო სკოლიდან სრულად დისტანციურ სწავლებაზე 32 სკოლაა გადასული, რაც წინა კვირის მაჩვენებელთან შემცირებულია.
ამ დროისათვის დისტანციურად მუშაობს რისკ-ჯგუფში შემავალი 97 მასწავლებელი.
სამინისტროს ცნობით, ქვეყანაში კოვიდ-რეგულაციების შემსუბუქების მიუხედავად, კვლავ ძალაში რჩება სკოლებში მოქმედი კოვიდ-რეგულაციები: თერმოსკრინინგის, დეზობარიერებისა და სადეზინფექციო ხსნარების გამოყენება, პირბადის ტარების წესი.
ასევე გრძელდება სკოლის ადმინისტრაციების წარმომადგენელთა და პედაგოგების სავალდებულო ტესტირება. პირველი მარტიდან ზოგადსაგანმანათლებლო დაწესებულებების პერსონალი კორონავირუსზე კვირაში ერთხელ სწრაფი ანტიგენ-ტესტით მოწმდება, რასაც კვლავ სახელმწიფო უზრუნველყოფს. ხოლო PCR ტესტის ჩატარების ვალდებულება აღარ არსებობს.
ამ დროისათვის კოვიდ-საწინააღმდეგო აცრა ჩატარებული აქვს მასწავლებელთა და სკოლის ადმინისტრაციის წარმომადგენელთა 73,7%-ს, მათ შორის 97% სრულად ვაქცინირებულია.
ამჟამად მთელი ქვეყნის მასშტაბით სკოლებში სასწავლო პროცესი შერეული ფორმატით მიმდინარეობს. სურვილის შემთხვევაში მოსწავლეების მშობლებს დისტანციური სწავლების ფორმის არჩევის შესაძლებლობა აქვთ.
საქართველოში კორონავირუსის მეექვსე ტალღის პიკმა გადაიარა. თებერვლის დასაწყისში ინფიცირების დღიური მაჩვენებელი 24-26 ათასს აღწევდა, თუმცა ბოლო პერიოდში შემთხვევების რაოდენობა მნიშვნელოვნად შემცირდა.
ეპიდემიოლოგების თქმით, აღნიშნულ პერიოდში ინფიცირების მზარდი რაოდენობა „ომიკრონ“ შტამთან იყო დაკავშირებული.
ყველა ახალი ამბავი
0