ქართველი ექსპერტი თბილისის გადაწყვეტილებაზე, არ შეუერთდეს რუსეთის წინააღმდეგ სანქციებს

© photo: Sputnik / Stringerპეტრე მამრაძე
პეტრე მამრაძე - Sputnik საქართველო, 1920, 25.02.2022
გამოწერა
Yandex newsTelegram
საქართველოს ხელისუფლების ნებისმიერმა არასწორმა მოძრაობამ შეიძლება კატასტროფამდე მიგვიყვანოს, აღნიშნა ექსპერტმა.
თბილისი, 25 თებერვალი – Sputnik. საქართველოს ხელისუფლებამ გონივრული ნაბიჯი გადადგა, როდესაც უარი თქვა რუსეთის წინააღმდეგ დასავლეთის ეკონომიკურ სანქციებთან მიერთებაზე, მიიჩნევს საქართველოს სტრატეგიისა და მართვის ინსტიტუტის ხელმძღვანელი პეტრე მამრაძე.
მანამდე საქართველოს პრემიერ-მინისტრმა ირაკლი ღარიბაშვილმა განაცხადა, რომ საქართველო რუსეთის წინააღმდეგ დასავლეთის მიერ დაწესებულ ფინანსურ და ეკონომიკურ სანქციებს არ შეუერთდება. პრემიერი აცხადებს, რომ ეს გადაწყვეტილება მან ეროვნული ინტერესებისა და ქართველი ხალხის ინტერესებიდან გამომდინარე მიიღო.

„აბსოლუტურად სწორი გადაწყვეტილებაა. ამ შემთხვევაში მთავრობამ, რომელიც არაერთხელ გავაკრიტიკე, სწორი ნაბიჯი გადადგა“, – განაცხადა ექსპერტმა РИА Новости-სთან საუბრისას.

მამრაძემ დასძინა, რომ „მიხეილ სააკაშვილის პოლიტიკურმა ავანტიურამ 2008 წელს მიგვიყვანა იმ რეალობასთან, რომელიც ახლა საქართველოს აქვს. შესაბამისად, დღევანდელ პირობებში ხელისუფლების ნებისმიერმა არასწორმა მოძრაობამ შეიძლება კატასტროფამდე მიგვიყვანოს“.
საქართველო რუსეთის წინააღმდეგ ეკონომიკურ სანქციებში მონაწილეობას არ მიიღებს – პრემიერი>>
21 თებერვალს რუსეთის პრეზიდენტმა ვლადიმირ პუტინმა ხელი მოაწერა ბრძანებულებებს დონეცკისა და ლუგანსკის სახალხო რესპუბლიკების აღიარების შესახებ. 24 თებერვალს მან გამოაცხადა, რომ დონბასში სპეციალურ სამხედრო ოპერაციას იწყებს. ამასთან აღნიშნა, რომ რუსეთის გეგმებში „არ შედის უკრაინის ტერიტორიების დაპყრობა“.
რუსეთის მიერ საომარი ოპერაციის დაწყების მერე უკრაინამ მთელი ქვეყნის ტერიტორიაზე საომარი მდგომარეობა გამოაცხადა.
ყველა ახალი ამბავი
0