https://sputnik-georgia.com/20220224/sasamartlom-sebakis-sakrebulos-tavmjdomaris-archevis-sakitxi-anulirebulad-gamoacxada-264755187.html
სასამართლომ სენაკის საკრებულოს თავმჯდომარის არჩევის საკითხი ანულირებულად გამოაცხადა
სასამართლომ სენაკის საკრებულოს თავმჯდომარის არჩევის საკითხი ანულირებულად გამოაცხადა
Sputnik საქართველო
სენაკის საკრებულოს გუშინდელ სხდომაზე ირაკლი კაჭარავას კანდიდატურას მხარი „ერთიანი ნაციონალური მოძრაობის“ დეპუტატებმაც დაუჭირეს. 24.02.2022-ს, Sputnik საქართველო
2022-02-24T17:49+0400
2022-02-24T17:49+0400
2022-02-24T22:33+0400
საქართველო
პოლიტიკა საქართველოში
საზოგადოება
ახალი ამბები
https://cdnn1.img.sputnik-georgia.com/img/07e5/09/05/259328513_0:0:3067:1725_1920x0_80_0_0_9ef1dfb4a632497e9f6308985ac4b9d1.jpg
თბილისი, 24 თებერვალი — Sputnik. სენაკის რაიონულმა სასამართლომ ანულირებულად გამოაცხადა ექს-პრემიერ გიორგი გახარიას პარტიის „საქართველოსთვის“ წარმომადგენლის ირაკლი კაჭარავას სენაკის საკრებულოს თავმჯდომარედ არჩევის შესახებ გადაწყვეტილება, იუწყება „პირველი არხი“.ოთხშაბათს, დილით კაჭარავას კანდიდატურის კენჭისყრამდე მმართველი პარტია „ქართული ოცნება - დემოკრატიული საქართველოს“ წევრებმა სასამართლოს მიმართეს. მათი მტკიცებით, 9 თებერვალს მიღებული ყველა გადაწყვეტილება არალეგიტიმური იყო.საუბარია პარტიის „საქართველოსთვის“ დეპუტატ ილია ახალაიასთვის უფლებამოსილების ვადაზე ადრე შეჩერებასა და ნიკოლოზ შამათავას უფლებამოსილების ცნობაზე. როგორც „ქართულ ოცნებაში“ განაცხადეს, ოპოზიციონერმა დეპუტატებმა სხდომა კვორუმის არარსებობის პირობებში გახსნეს – კენჭისყრაში მონაწილეობა მიიღო 33-დან მხოლოდ 16-მა დეპუტატმა.ოპოზიციის განცხადებით, რეგლამენტის დარღვევას ადგილი არ ჰქონია, რადგანაც აღნიშნული სხდომა იყო ახლადარჩეული სათათბირო ორგანოს პირველი სხდომის (2021 წლის 3 დეკემბერს გაიმართა - რედ.) გაგრძელება. სენაკის საკრებულოს თავმჯდომარედ გახარიას პარტიის წევრი აირჩიეს>>>მმართველი პარტიის წარმომადგენლების სარჩელში ასევე მოთხოვნილი იყო სათათბირო ორგანოს მიერ 9 თებერვლის შემდეგ მიღებული ყველა გადაწყვეტილების შეჩერება.„ქართულ ოცნებაში“ აცხადებენ, რომ უკვე ჩაბარდათ მოსამართლის შესაბამისი განჩინება, რომელიც დაუყოვნებლივ უნდა აღსრულდეს. შამათავას უფლებამოსილების ცნობის საკითხთან ერთად, სასამართლომ გადაწყვიტა შეჩერდეს სამანდატო დროებითი კომისიის და ხმის დამთვლელი დროებითი კომისიის არჩევის შესახებ გადაწყვეტილებები.„ქართულ ოცნებაში“ აცხადებენ, რომ სასამართლოს გადაწყვეტილების თანახმად ასევე ანულირებულია საკრებულოს ბოლო სხდომაც და სხდომის მიმდინარეობისას მიღებული გადაწყვეტილებები, კერძოდ, საკრებულოს თავმჯდომარის არჩევის საკითხი.სენაკის მუნიციპალიტეტის საკრებულოში 33 დეპუტატია, აქედან 16 ადგილი ეკუთვნის „ქართულ ოცნებას“, 13 – „ერთიან ნაციონალურ მოძრაობას“ და 4 – პარტიას „საქართველოსთვის“.თავმჯდომარის ასარჩევად საჭიროა საკრებულოს დეპუტატების ნახევარზე მეტის თანხმობა – 17 ხმა. სწორედ ამდენი ხმა მიიღო გუშინ გამართულ სხდომაზე არჩეულმა ირაკლი კაჭარავამ.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
საქართველო, პოლიტიკა საქართველოში, საზოგადოება, ახალი ამბები
საქართველო, პოლიტიკა საქართველოში, საზოგადოება, ახალი ამბები
სასამართლომ სენაკის საკრებულოს თავმჯდომარის არჩევის საკითხი ანულირებულად გამოაცხადა
17:49 24.02.2022 (განახლებულია: 22:33 24.02.2022) სენაკის საკრებულოს გუშინდელ სხდომაზე ირაკლი კაჭარავას კანდიდატურას მხარი „ერთიანი ნაციონალური მოძრაობის“ დეპუტატებმაც დაუჭირეს.
თბილისი, 24 თებერვალი — Sputnik. სენაკის რაიონულმა სასამართლომ ანულირებულად გამოაცხადა ექს-პრემიერ გიორგი გახარიას პარტიის „საქართველოსთვის“ წარმომადგენლის ირაკლი კაჭარავას სენაკის საკრებულოს თავმჯდომარედ არჩევის შესახებ გადაწყვეტილება, იუწყება „პირველი არხი“.
ოთხშაბათს, დილით კაჭარავას კანდიდატურის კენჭისყრამდე მმართველი პარტია „ქართული ოცნება - დემოკრატიული საქართველოს“ წევრებმა სასამართლოს მიმართეს. მათი მტკიცებით, 9 თებერვალს მიღებული ყველა გადაწყვეტილება არალეგიტიმური იყო.
საუბარია პარტიის „საქართველოსთვის“ დეპუტატ ილია ახალაიასთვის უფლებამოსილების ვადაზე ადრე შეჩერებასა და ნიკოლოზ შამათავას უფლებამოსილების ცნობაზე. როგორც „ქართულ ოცნებაში“ განაცხადეს, ოპოზიციონერმა დეპუტატებმა სხდომა კვორუმის არარსებობის პირობებში გახსნეს – კენჭისყრაში მონაწილეობა მიიღო 33-დან მხოლოდ 16-მა დეპუტატმა.
ოპოზიციის განცხადებით, რეგლამენტის დარღვევას ადგილი არ ჰქონია, რადგანაც აღნიშნული სხდომა იყო ახლადარჩეული სათათბირო ორგანოს პირველი სხდომის (2021 წლის 3 დეკემბერს გაიმართა - რედ.) გაგრძელება.
მმართველი პარტიის წარმომადგენლების სარჩელში ასევე მოთხოვნილი იყო სათათბირო ორგანოს მიერ 9 თებერვლის შემდეგ მიღებული ყველა გადაწყვეტილების შეჩერება.
„ქართულ ოცნებაში“ აცხადებენ, რომ უკვე ჩაბარდათ მოსამართლის შესაბამისი განჩინება, რომელიც დაუყოვნებლივ უნდა აღსრულდეს. შამათავას უფლებამოსილების ცნობის საკითხთან ერთად, სასამართლომ გადაწყვიტა შეჩერდეს სამანდატო დროებითი კომისიის და ხმის დამთვლელი დროებითი კომისიის არჩევის შესახებ გადაწყვეტილებები.
„ქართულ ოცნებაში“ აცხადებენ, რომ სასამართლოს გადაწყვეტილების თანახმად ასევე ანულირებულია საკრებულოს ბოლო სხდომაც და სხდომის მიმდინარეობისას მიღებული გადაწყვეტილებები, კერძოდ, საკრებულოს თავმჯდომარის არჩევის საკითხი.
სენაკის მუნიციპალიტეტის საკრებულოში 33 დეპუტატია, აქედან 16 ადგილი ეკუთვნის „ქართულ ოცნებას“, 13 – „ერთიან ნაციონალურ მოძრაობას“ და 4 – პარტიას „საქართველოსთვის“.
თავმჯდომარის ასარჩევად საჭიროა საკრებულოს დეპუტატების ნახევარზე მეტის თანხმობა – 17 ხმა. სწორედ ამდენი ხმა მიიღო გუშინ გამართულ სხდომაზე არჩეულმა ირაკლი კაჭარავამ.
