https://sputnik-georgia.com/20220223/amerikam-rusetis-winaarmdeg-axali-sanqciebi-aamoqmeda-264698665.html
„კიდევ უფრო გამკაცრდება“: ვაშინგტონმა რუსეთის წინააღმდეგ ახალი სანქციები აამოქმედა
„კიდევ უფრო გამკაცრდება“: ვაშინგტონმა რუსეთის წინააღმდეგ ახალი სანქციები აამოქმედა
Sputnik საქართველო
ამერიკის პრეზიდენტმა უკვე მოაწერა ხელი ახალ სანქციებს, რომლებიც ძალაში სამშაბათიდან შედის
2022-02-23T10:42+0400
2022-02-23T10:42+0400
2023-07-20T15:54+0400
მსოფლიო დღეს
პოლიტიკა
აშშ
რუსეთი
მსოფლიოს ახალი ამბები
https://cdnn1.img.sputnik-georgia.com/img/07e4/08/0b/249181865_0:149:3115:1901_1920x0_80_0_0_31c42a02c570a6cf2d215b7e13769818.jpg
თბილისი, 23 თებერვალი – Sputnik. ვაშინგტონი რუსეთს ახალ სანქციებს უწესებს და ამასთან პერიოდულად გაამკაცრებს მათ უკრაინაში არსებული ვითარების მიხედვით, განაცხადა აშშ-ის პრეზიდენტმა ჯო ბაიდენმა თეთრ სახლში გამართულ ბრიფინგზე.როგორც პრეზიდენტმა აღნიშნა, მან ერთი თვით ადრე გააფრთხილა რუსი კოლეგა ვლადიმირ პუტინი იმის თაობაზე, თუ რა მოჰყვებოდა უკრაინის საწინააღმდეგო ქმედებებს. დონეცკისა და ლუგანსკის სახალხო რესპუბლიკების აღიარება კი არის უკრაინის წინააღმდეგ გადადგმული ნაბიჯები, რაც გახდა კიდეც რუსეთისთვის ახალი სანქციების დაწესების მიზეზი.გავრცელებული ინფორმაციით, შეზღუდვები შეეხება რუსეთის სუვერენულ ვალს, რაც იმას ნიშნავს, რომ ვაშინგტონი რუსეთის მთავრობას დასავლურ დაფინანსებას უკეტავს.გარდა ამისა, სანქციები დაუწესდება უშუალოდ რუსეთის ელიტებსა და მათი ოჯახების წევრებსაც, რომლებიც, ბაიდენის თქმით, „კრემლის პოლიტიკის კორუფციულ საშიშროებასა და სატკივარს იზიარებენ“.ამასთან აშშ დამბლოკავ სანქციებს უწესებს ორ რუსულ ბანკს − „ვნეშეკონომბანკსა“ და ერთ სამხედრო ბანკს, ოღონდ სახელდობრ რომელს, ეს ბაიდენს არ დაუკონკრეტებია.რაც შეეხება რუსულ გაზსადენ „ჩრდილოეთის ნაკადი-2“-ს, ამერიკის ლიდერის თქმით, აშშ განაგრძობს ბერლინთან თანამშრომლობას მისი გაჩერების საკითხზე.როგორც ჯო ბაიდენმა განაცხადა ბრიფინგზე, სანამ რუსეთი შემდეგ ნაბიჯზე ფიქრობს, „ამერიკა თავის სვლას ამზადებს“.„თუ აგრესიას განაგრძობს, რუსეთი კიდევ უფრო მაღალ ფასს გადაიხდის, მათ შორის დამატებითი სანქციების შემოღების გზითაც“, − აღნიშნა პრეზიდენტმა ბაიდენმა.რუსეთის პრეზიდენტმა ვლადიმირ პუტინმა 2022 წლის 21 თებერვალს ტელემიმართვისას განაცხადა, რომ აუცილებლად მიაჩნია დონეცკისა და ლუგანსკის სუვერენიტეტის დაუყოვნებელი აღიარება. მიმართვის დასრულებისთანავე მან ხელი მოაწერა ბრძანებულებებს ლუგანსკისა და დონეცკის სახალხო რესპუბლიკების ცნობის შესახებ. ამასთან რუსეთის შეიარაღებულ ძალებს დაავალა, უზრუნველყონ მშვიდობა ადგილებზე.
https://sputnik-georgia.com/20220222/baidenma-sanqciebs-xeli-moawera-264664174.html
აშშ
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
აშშ-რუსეთის დაპირისპირება დონეცკისა და ლუგანსკის აღიარება ანტირუსული სანქციები
აშშ-რუსეთის დაპირისპირება დონეცკისა და ლუგანსკის აღიარება ანტირუსული სანქციები
თბილისი, 23 თებერვალი – Sputnik. ვაშინგტონი რუსეთს ახალ სანქციებს უწესებს და ამასთან პერიოდულად გაამკაცრებს მათ უკრაინაში არსებული ვითარების მიხედვით, განაცხადა აშშ-ის პრეზიდენტმა ჯო ბაიდენმა თეთრ სახლში გამართულ ბრიფინგზე.
როგორც პრეზიდენტმა აღნიშნა, მან ერთი თვით ადრე გააფრთხილა რუსი კოლეგა ვლადიმირ პუტინი იმის თაობაზე, თუ რა მოჰყვებოდა უკრაინის საწინააღმდეგო ქმედებებს. დონეცკისა და ლუგანსკის სახალხო რესპუბლიკების აღიარება კი არის უკრაინის წინააღმდეგ გადადგმული ნაბიჯები, რაც გახდა კიდეც რუსეთისთვის ახალი სანქციების დაწესების მიზეზი.
„დღეს მე ვაცხადებ რუსეთის ქმედების საპასუხო სანქციების პირველი ტრანშის შესახებ. ამ სანქციებს მოკავშირეებთან და პარტნიორებთან კოორდინაციით ვაწესებთ და გავამკაცრებთ მათ, თუ რუსეთი კიდევ მეტ ესკალაციაზე წავა“, − აღნიშნა ამერიკის პრეზიდენტმა.
გავრცელებული ინფორმაციით, შეზღუდვები შეეხება რუსეთის სუვერენულ ვალს, რაც იმას ნიშნავს, რომ ვაშინგტონი რუსეთის მთავრობას დასავლურ დაფინანსებას უკეტავს.
გარდა ამისა, სანქციები დაუწესდება უშუალოდ რუსეთის ელიტებსა და მათი ოჯახების წევრებსაც, რომლებიც, ბაიდენის თქმით, „კრემლის პოლიტიკის კორუფციულ საშიშროებასა და სატკივარს იზიარებენ“.
ამასთან აშშ დამბლოკავ სანქციებს უწესებს ორ რუსულ ბანკს − „ვნეშეკონომბანკსა“ და ერთ სამხედრო ბანკს, ოღონდ სახელდობრ რომელს, ეს ბაიდენს არ დაუკონკრეტებია.
რაც შეეხება რუსულ გაზსადენ „ჩრდილოეთის ნაკადი-2“-ს, ამერიკის ლიდერის თქმით, აშშ განაგრძობს ბერლინთან თანამშრომლობას მისი გაჩერების საკითხზე.
როგორც ჯო ბაიდენმა განაცხადა ბრიფინგზე, სანამ რუსეთი შემდეგ ნაბიჯზე ფიქრობს, „ამერიკა თავის სვლას ამზადებს“.
„თუ აგრესიას განაგრძობს, რუსეთი კიდევ უფრო მაღალ ფასს გადაიხდის, მათ შორის დამატებითი სანქციების შემოღების გზითაც“, − აღნიშნა პრეზიდენტმა ბაიდენმა.
რუსეთის პრეზიდენტმა ვლადიმირ პუტინმა 2022 წლის 21 თებერვალს ტელემიმართვისას განაცხადა, რომ აუცილებლად მიაჩნია დონეცკისა და ლუგანსკის სუვერენიტეტის დაუყოვნებელი აღიარება. მიმართვის დასრულებისთანავე მან ხელი მოაწერა ბრძანებულებებს ლუგანსკისა და დონეცკის სახალხო რესპუბლიკების ცნობის შესახებ. ამასთან რუსეთის შეიარაღებულ ძალებს დაავალა, უზრუნველყონ მშვიდობა ადგილებზე.
