https://sputnik-georgia.com/20220222/swavla-pandemiis-dros-skolebsi-kovidregulaciebi-zalasi-rceba-264683167.html
სწავლა პანდემიის დროს: სასწავლო დაწესებულებებში კოვიდ-რეგულაციები ძალაში რჩება
სწავლა პანდემიის დროს: სასწავლო დაწესებულებებში კოვიდ-რეგულაციები ძალაში რჩება
Sputnik საქართველო
უსაფრთხო გარემოს უზრუნველყოფის მიზნით სასწავლო დაწესებულებებში კოვიდრეგულაციები ძალაში რჩება, კერძოდ, კვლავ იმოქმედებს თერმოსკრინინგის, დეზობარიერების, სადენზინფექციო ხსნარებისა და პირბადის ტარების წესი
2022-02-22T17:23+0400
2022-02-22T17:23+0400
2023-08-17T18:16+0400
covid-19 - ბოლო ცნობები
განათლება საქართველოში
ახალი ამბები
საქართველო
საზოგადოება
covid-19
https://cdnn1.img.sputnik-georgia.com/img/07e5/02/11/250909575_0:0:3074:1730_1920x0_80_0_0_eb780524bb78a8500e78ebdf60547ffc.jpg
თბილისი, 22 თებერვალი – Sputnik. სასწავლო დაწესებულებებში, სკოლებში, პროფესიულ სასწავლებლებსა და უმაღლეს საგანმანათლებლო დაწესებულებებში უსაფრთხო გარემოს უზრუნველყოფის მიზნით შემუშავებული კოვიდ-რეგულაციები ძალაში რჩება. ინფორმაციას განათლებისა და მეცნიერების სამინისტრო ავრცელებს.უწყებათშორისი საკოორდინაციო საბჭოს დღევანდელი გადაწყვეტილებით, მარტში კორონავირუსის გავრცელების პრევენციის მიზნით დაწესებული შეზღუდვების ნაწილი იხსნება, ნაწილი კი შემსუბუქდება.კერძოდ, უქმდება შენობებში თერმოსკრინინგის ჩატარებისა და დეზობარიერის გავლის ვალდებულება, საკარანტინო სივრცეები, მსუბუქდება შეზღუდვები რესტორნებში და სხვ.რომელი შეზღუდვები უქმდება ან მსუბუქდება 1 მარტიდან: სრული ჩამონათვალი>>უწყების ცნობით, სასწავლო დაწესებულებებში კვლავ ძალაში რჩება თერმოსკრინინგის, დეზობარიერების, სადენზინფექციო ხსნარებისა და პირბადის ტარების წესი.საქართველოში ამ დროისათვის 2.085 საჯარო სკოლა ფუნქციონირებს. განათლების სამინისტროს განცხადებით, ქვეყნის სკოლებში დაცულია უსაფრთხოების ზომები.უსაფრთხო სასწავლო გარემოს უზრუნველსაყოფად სკოლის მასწავლებლები, რომლებმაც გადაიტანეს კორონავირუსი ან ვაქცინირებული არიან ორივე დოზით, კორონავირუსზე PCR-ტესტირებას ორ კვირაში ერთხელ იტარებენ, ხოლო არავაქცინირებული ან ერთი დოზით აცრილი მასწავლებლები – კვირაში ერთხელ სწრაფ ტესტს.როდის მოიხსნება შეზღუდვები სემინარების და ტრენინგების ჩატარებაზე - ღიბრაძის განმარტება>>მთელი ქვეყნის მასშტაბით სკოლებში სასწავლო პროცესი კვლავ შერეულ ფორმატში მიმდინარეობს. მშობლებს აქვთ შესაძლებლობა თავად აირჩიონ სწავლების ფორმა და სურვილის შემთხვევაში დისტანციურ რეჟიმზე გადავიდნენ. დისტანციურ სწავლებაზე გადასვლა ასევე რისკ-ჯგუფის მასწავლებლებს შეუძლიათ.სამინისტროს ცნობით, მასწავლებელთა და მოსწავლეთათვის უსაფრთხო გარემოს უზრუნველსაყოფად განათლებისა და მეცნიერების სამინისტროს წარმომადგენლების მხრიდან თბილისსა და საქართველოს ყველა რეგიონში სკოლების მონიტორინგი უწყვეტ რეჟიმში გრძელდება.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
სასწავლო სკოლები შეზღუდვები თერმოსკრინინგი
სასწავლო სკოლები შეზღუდვები თერმოსკრინინგი
სწავლა პანდემიის დროს: სასწავლო დაწესებულებებში კოვიდ-რეგულაციები ძალაში რჩება
17:23 22.02.2022 (განახლებულია: 18:16 17.08.2023) მასწავლებელთა და მოსწავლეთათვის უსაფრთხო გარემოს უზრუნველსაყოფად განათლებისა და მეცნიერების სამინისტროს მხრიდან სკოლების მონიტორინგი უწყვეტ რეჟიმში გრძელდება.
თბილისი, 22 თებერვალი – Sputnik. სასწავლო დაწესებულებებში, სკოლებში, პროფესიულ სასწავლებლებსა და უმაღლეს საგანმანათლებლო დაწესებულებებში უსაფრთხო გარემოს უზრუნველყოფის მიზნით შემუშავებული კოვიდ-რეგულაციები ძალაში რჩება. ინფორმაციას განათლებისა და მეცნიერების სამინისტრო ავრცელებს.
უწყებათშორისი საკოორდინაციო საბჭოს დღევანდელი გადაწყვეტილებით, მარტში კორონავირუსის გავრცელების პრევენციის მიზნით დაწესებული შეზღუდვების ნაწილი იხსნება, ნაწილი კი შემსუბუქდება.
კერძოდ, უქმდება შენობებში თერმოსკრინინგის ჩატარებისა და დეზობარიერის გავლის ვალდებულება, საკარანტინო სივრცეები, მსუბუქდება შეზღუდვები რესტორნებში და სხვ.
უწყების ცნობით, სასწავლო დაწესებულებებში კვლავ ძალაში რჩება თერმოსკრინინგის, დეზობარიერების, სადენზინფექციო ხსნარებისა და პირბადის ტარების წესი.
„კორონავირუსის პრევენციის მიზნით სკოლები სრულად უზრუნველყოფილია სასწავლო წლის ბოლომდე სამყოფი სადეზინფექციო ხსნარებით, პირბადეებით, თერმოსკრინინგის აპარატებითა და დეზობარიერებით“, – ნათქვამია ინფორმაციაში.
საქართველოში ამ დროისათვის 2.085 საჯარო სკოლა ფუნქციონირებს. განათლების სამინისტროს განცხადებით, ქვეყნის სკოლებში დაცულია უსაფრთხოების ზომები.
უსაფრთხო სასწავლო გარემოს უზრუნველსაყოფად სკოლის მასწავლებლები, რომლებმაც გადაიტანეს კორონავირუსი ან ვაქცინირებული არიან ორივე დოზით, კორონავირუსზე PCR-ტესტირებას ორ კვირაში ერთხელ იტარებენ, ხოლო არავაქცინირებული ან ერთი დოზით აცრილი მასწავლებლები – კვირაში ერთხელ სწრაფ ტესტს.
მთელი ქვეყნის მასშტაბით სკოლებში სასწავლო პროცესი კვლავ შერეულ ფორმატში მიმდინარეობს. მშობლებს აქვთ შესაძლებლობა თავად აირჩიონ სწავლების ფორმა და სურვილის შემთხვევაში დისტანციურ რეჟიმზე გადავიდნენ. დისტანციურ სწავლებაზე გადასვლა ასევე რისკ-ჯგუფის მასწავლებლებს შეუძლიათ.
სამინისტროს ცნობით, მასწავლებელთა და მოსწავლეთათვის უსაფრთხო გარემოს უზრუნველსაყოფად განათლებისა და მეცნიერების სამინისტროს წარმომადგენლების მხრიდან თბილისსა და საქართველოს ყველა რეგიონში სკოლების მონიტორინგი უწყვეტ რეჟიმში გრძელდება.
