ერთი ნაბიჯი ტიტულის დაცვამდე – ბასილაშვილი დოჰას ტურნირის ფინალშია

© AP Photo / Kamran Jebreiliნიკოლოზ ბასილაშვილი
ნიკოლოზ ბასილაშვილი - Sputnik საქართველო, 1920, 18.02.2022
გამოწერა
გამარჯვების შემთხვევაში ბასილაშვილი შეინარჩუნებს 250 ქულას АТР–ს რეიტინგში და გამოიმუშავებს თითქმის 115 ათას დოლარს
თბილისი, 18 თებერვალი – Sputnik. საქართველოს პირველი ჩოგანი ნიკოლოზ ბასილაშვილი (22–ე АТР–ს რეიტინგში) დოჰას (კატარი) ტურნირის ფინალში გავიდა. ის ამ ტურნირის მოქმედი გამარჯვებულია.
ნახევარფინალში ბასილაშვილმა ორ პარტიაში უპრობლემოდ დაამარცხა (6:4, 6:2) ფრანგი არტურ რინდერკნეხი (61). მატჩი 1 საათსა და 13 წუთს გაგრძელდა.
ქართველი ჩოგბურთელი ფინალში კარენ ხაჩანოვისა (რუსეთი) და რობერტო ბაუტისტა აგუტის (ესპანეთი) დაპირისპირებაში გამარჯვებულს შეხვდება. თუ ესპანელმა გაიმარჯვა, გასული წლის ფინალის ერთგვარი გამეორება მოხდება, როდესაც ბასილაშვილმა ის ორ სეტში 7:6, 6:2 დაამარცხა.
დოჰას ტურნირზე გამარჯვების შემთხვევაში ბასილაშვილი შეინარჩუნებს 250 ქულას АТР–ს რეიტინგში და გამოიმუშავებს თითქმის 115 ათას დოლარ საპრიზოს.
ყველა ახალი ამბავი
0