ზურაბიშვილმა შტაინმაიერს გერმანიის პრეზიდენტად მეორე ვადით არჩევა მიულოცა
13:56 14.02.2022 (განახლებულია: 18:18 14.02.2022)
© photo: Sputnik / Stringer
გამოწერა
საგარეო საქმეთა ყოფილი მინისტრი, სოციალ-დემოკრატი შტაინმაიერი პრეზიდენტის თანამდებობას იკავებს 2017 წლიდან.
თბილისი, 14 თებერვალი — Sputnik. საქართველოს პრეზიდენტმა სალომე ზურაბიშვილმა ფრანკ-ვალტერ შტაინმაიერს გერმანიის პრეზიდენტის პოსტზე მეორე ვადით არჩევა მიულოცა.
13 თებერვალს გერმანიის ფედერალურმა კრებამ ქვეყნის პრეზიდენტად ფრანკ-ვალტერ შტაინმაიერი მეორე ვადით აირჩია. მან ფედერალური კრების წევრების ხმათა უმრავლესობა მიიღო – 1425-დან 1045 ხმა.
My warmest congratulations to Federal President Frank-Walter Steinmeier upon his #reelection today!
— Salome Zourabichvili (@Zourabichvili_S) February 13, 2022
I had the chance to welcome you to #Georgia back in 2019 where we set out ways to deepen the 🇬🇪-🇩🇪 relations. I look forward to continue working with you! pic.twitter.com/Yl2QVvbSP1
„გულითადად ვულოცავ ფედერალურ პრეზიდენტს ფრანკ-ვალტერ შტაინმაიერს ხელახლა არჩევას! შესაძლებლობა მქონდა საქართველოში მემასპინძლა თქვენთვის 2019 წელს, სადაც ჩვენ დავსახეთ გზები საქართველო–გერმანიის ურთიერთობების გაღრმავების მიზნით. მოუთმენლად ველი თქვენთან მუშაობის გაგრძელებას!" – დაწერა სალომე ზურაბიშვილმა Twitter-ზე.
შტაინმაიერი გერმანიის პრეზიდენტის პოსტს იკავებს 2017 წლის 19 მარტიდან, როდესაც მან იოაჰიმ გაუკი შეცვალა. შტაინმაიერი დაიბადა 1956 წელს დეტმოლდში, ჩრდილოეთ რაინ-ვესტფალიაში. 1975 წლიდან არის გერმანიის სოციალ-დემოკრატიული პარტიის წევრი. 1990-იან წლებში მუშაობდა ყოფილ კანცლერთან გერჰარდ შრიოდერთან, ჯერ მის როგორც ქვემო საქსონიის პრემიერ-მინისტრის ბიუროში, შემდეგ კი ფედერალურ სტრუქტურებში მისი კანცლერობის პერიოდში.
2005-2009 წლებში, ასევე 2013-2017 წლებში იყო გერმანიის საგარეო საქმეთა მინისტრი, ხოლო 2007-2009 წლებში იყო ვიცე-კანცლერი.
