მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

გერმანიის პრეზიდენტი მეორე ვადით აირჩიეს

© photo: Sputnik / ფოტობანკში გადასვლაფრანკ-ვალტერ შტაინმაიერი
ფრანკ-ვალტერ შტაინმაიერი  - Sputnik საქართველო, 1920, 13.02.2022
გამოწერა
Yandex newsTelegram
შტაინმაიერი 1975 წლიდან არის გერმანიის სოციალ-დემოკრატიული პარტიის წევრი
თბილისი, 13 თებერვალი - Sputnik. სოციალ-დემოკრატი ფრანკ-ვალტერ შტაინმაიერი გერმანიის პრეზიდენტად მეორე ხუთწლიანი ვადით აირჩიეს.
პრეზიდენტის ასარჩევად მოიწვიეს ქვეყნის სპეციალური საკონსტიტუციო ორგანო - გერმანიის ფედერალური ასამბლეა, რომელიც შედგება ბუნდესტაგის დეპუტატებისა და გერმანიის რეგიონების წარმომადგენლებისგან, რომლებსაც რეგიონული პარლამენტები ნიშნავენ.
ამჯერად ფედერალური ასამბლეა შედგებოდა 1472 ადამიანისგან, რეგიონების დანიშნულ წარმომადგენლებს შორის იყვნენ ისეთი ცნობილი ადამიანები, როგორიცაა ყოფილი კანცლერი ანგელა მერკელი, კორონავირუსის საწინააღმდეგო ვაქცინის შემქმნელი კომპანიის თანადამფუძნებელი ოზლემ ტიურეჩი, პოპულარული ექსპერტი ვირუსოლოგი კრისტიან დროსტენი, ნაციონალური საფეხბურთო ნაკრების მწვრთნელი ჰანსი ფლიკი, ასტრონავტი ალექსანდრ გერსტი.
შტაინმაიერი გერმანიის პრეზიდენტის იკავებს პოსტს 2017 წლის 19 მარტიდან, როდესაც მან იოაჰიმ გაუკის შეცვალა. შტაინმაიერი დაიბადა 1956 წელს დეტმოლდში, ჩრდილოეთ რაინ-ვესტფალიაში, 1975 წლიდან არის გერმანიის სოციალ-დემოკრატიული პარტიის წევრი. 1990-იან წლებში მუშაობდა ყოფილ კანცლერთან გერჰარდ შროდერთან, ჯერ მის როგორც ქვემო საქსონიის პრემიერ-მინისტრის ბიუროში, შემდეგ კი ფედერალურ სტრუქტურებში მისი კანცლერობის პერიოდში.
2005-2009 წლებში, ასევე 2013-2017 წლებში იყო გერმანიის საგარეო საქმეთა მინისტრი, ხოლო 2007-2009 წლებში იყო ვიცე-კანცლერი.
ყველა ახალი ამბავი
0