შუალედური არჩევნები: ცესკომ პარტიებისთვის რიგითი ნომრის მიღების წესი გაამარტივა

© photo: Sputnik / Stringerსაარჩევნო უბანი
საარჩევნო უბანი - Sputnik საქართველო, 1920, 09.02.2022
გამოწერა
ცესკო გადაწყვეტილების მიზნად საარჩევნო პროცესებში პოლიტიკური გაერთიანებების ჩართულობის გამარტივების ხელშეწყობას ასახელებს.
თბილისი, 9 თებერვალი — Sputnik. პარტიებს, რომლებიც ბოლო საპარლამენტო და თვითმმართველობის არჩევნებში მონაწილეობდნენ, უფლება აქვთ შუალედური არჩევნებისთვის ბიულეტენებში რიგითი ნომრები აირჩიონ, ნათქვამია ცენტრალური საარჩევნო კომისიის განცხადებაში.
ადრე პარტიებს, რომლებიც პარლამენტში ვერ შევიდნენ ან თვითმმართველ ორგანოებში ადგილი ვერ მიიღეს, შუალედურ არჩევნებში მონაწილეობისთვის რიგითობის ნომრების მიღება მხოლოდ კენჭისყრის შედეგად შეეძლოთ.

„მიღებული ცვლილებების თანახმად, თუ 2020 წლის საპარლამენტო არჩევნებში პარტია სხვა ნომრით, 2021 წლის თვითმმართველობის არჩევნებში კი სხვა ნომრით გამოდიოდა, მას შესაძლებლობა ექნება ერთი რიგითი ნომერი აირჩიოს შუალედურ არჩევნებში მონაწილეობისთვის“, – ნათქვამია განცხადებაში.

პარლამენტისა და ადგილობრივი თვითმმართველობის ორგანოს შუალედური არჩევნები საქართველოში 2 აპრილს გაიმართება, ამ დღეს რუსთავი–გარდაბნის მაჟორიტარულ ოლქში პარლამენტის მაჟორიტარ დეპუტატს, ხოლო ბათუმში საკრებულოს მაჟორიტარ დეპუტატს აირჩევენ.
ცესკო - Sputnik საქართველო, 1920, 07.02.2022
ცესკომ კონკურსებში განაცხადების ელექტრონულად წარდგენის პლატფორმა დანერგა
შუალედურ არჩევნებში მონაწილეობის მისაღებად რეგისტრაცია 11-მა პარტიამ გაიარა, რომლებმაც საკუთარი კანდიდატები 4 მარტამდე უნდა წარადგინონ.
რუსთავის პარლამენტის მაჟორიტარი დეპუტატის შუალედური არჩევნების ჩატარება მას შემდეგ გახდა საჭირო, რაც 2020 წელს არჩეულმა ნინო ლაცაბიძემ გასული წლის შემოდგომაზე ქალაქ რუსთავის მერის პოსტი დაიკავა.
რაც შეეხება ბათუმის საკრებულოს დეპუტატის მაჟორიტარულ არჩევნებს, ის შემოდგომაზე არჩეული „ნაციონალური მოძრაობის“ მაჟორიტარის ნუგზარ ფუტკარაძის გარდაცვალების გამო დაინიშნა.
წყარო: ცენტრალური საარჩევნო კომისია
ყველა ახალი ამბავი
0