Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

თენგიზ ცერცვაძე: „ომიკრონს“ საქართველოში სერიოზულად არ აღიქვამენ

© Facebook / Giorgi Gakhariaთენგიზ ცერცვაძე
თენგიზ ცერცვაძე - Sputnik საქართველო, 1920, 08.02.2022
გამოწერა
Yandex newsTelegram
ქვეყანაში „ომიკრონ“ შტამის პირველი შემთხვევა გასული წლის 20 დეკემბერს გამოვლინდა.
თბილისი, 8 თებერვალი — Sputnik. „ომიკრონი“ კორონავირუსის შედარებით მსუბუქი ვარიანტია, თუმცა იგი უწყინარ ვირუსად არ უნდა მივიჩნიოთ, განაცხადა თბილისის ინფექციური საავადმყოფოს დირექტორმა თენგიზ ცერცვაძემ ტელეკომპანია „იმედის“ ეთერში.
საქართველო „ომიკრონ“ შტამისგან გამოწვეულ კორონავირუსის პანდემიის მეექვსე ტალღას ებრძვის. აღნიშნული შტამი უფრო სწრაფად ვრცელდება, თუმცა, წინა შტამებისგან განსხვავებით, ნაკლები სიმძიმით მიმდინარეობს. აქედან გამომდინარე, საზოგადოების დიდი ნაწილი მას არასერიოზულად აღიქვამს.

„ყველაზე დიდი და სერიოზული შეცდომაა ის, რომ „ომიკრონს“ იღებენ როგორც ჩვეულებრივ გრიპს ან გაციებას. ამიტომაც ფიქრობენ, რომ პრაქტიკულად არაფერი არ არის საჭირო, მათ შორის ვაქცინაცია, რადგან „თუ დაგვემართება, იოლად გადავიტანთ“, – განაცხადა ცერცვაძემ.

ცერცვაძემ დაადასტურა, რომ „ომიკრონით“ ინფიცირება „დელტა“ შტამთან შედარებით მსუბუქად მიმდინარეობს, თუმცა ის არც ისე უსაფრთხოა, როგორც მას ბევრი მიიჩნევს.
ეპიდემია საქართველოში - Sputnik საქართველო, 1920, 07.02.2022
COVID-19 - ბოლო ცნობები
რომელი ნიღაბი გვიცავს უკეთ „ომიკრონისგან“? ჩხაიძის განმარტება
„ჩვენთან რომ „ომიკრონს“ აგდებულად უყურებენ, ეს არის უდიდესი შეცდომა. ერთადერთი გამოსავალი ვაქცინაციაა“, – განაცხადა ცერცვაძემ.
საქართველოში ინფიცირების დღიური მაჩვენებელი კვლავ მაღალია. „ომიკრონთანაა“ დაკავშირებული ინფიცირების შემთხვევების „ანტირეკორდები". ქვეყანაში ინფიცირების ყველაზე მაღალი დღე-ღამური მაჩვენებელი – 26.320 ახალი შემთხვევა 2022 წლის 2 თებერვალს დაფიქსირდა.
ქვეყანაში „ომიკრონ“ შტამის პირველი შემთხვევა გასული წლის 20 დეკემბერს გამოვლინდა. მანამდე ქვეყანაში ცირკულირებდა კორონავირუსის ჩინური, ბრიტანული და ინდური შტამები.
წყარო: „იმედი“
ყველა ახალი ამბავი
0