ტყიბულში დაშავებულ ორ მეშახტეს კანი გადაუნერგეს

© photo: Sputnik / Stringerკლინიკა
კლინიკა - Sputnik საქართველო, 1920, 03.02.2022
გამოწერა
Yandex newsTelegram
ტყიბულის შახტში, სადაც აფეთქება მოხდა, შრომის ინსპექციის სამსახურმა დარღვევები გამოავლინა.
თბილისი, 3 თებერვალი – Sputnik. ტყიბულის მინდელის შახტში მომხდარი აფეთქების შედეგად დაშავებულ ორ მეშახტეს კანი გადაუნერგეს, იუწყება ტელეკომპანია „მთავარი არხი“.
აფეთქება ქვანახშირის მაღაროში 30 იანვარს, გვიან საღამოს მოხდა. შემთხვევის შედეგად ერთი ადამიანი დაიღუპა, ხოლო რვა დაშავდა. ისინი ხეჩინაშვილის სახელობის კლინიკაში არიან მოთავსებული.
„დამწვრობის ცენტრში რვავე მეშახტე მკურნალობის კურსს ამ დრომდე გადის. სამი მათგანი რეანიმაციულ განყოფილებაში, დანარჩენი კი ქირურგიულ განყოფილებაში არიან მოთავსებული. კვლავ მძიმე რჩება ერთი პაციენტის მდგომარეობა, რომელსაც აღენიშნება სხეულის 60%-ის დამწვრობა, სასუნთქი გზების დაზიანება", – განაცხადა დამწვრობის ცენტრის ხელმძღვანელმა გუგა ქაშიბაძემ.
მეშახტე - Sputnik საქართველო, 1920, 31.01.2022
შრომის ინსპექციამ ტყიბულის შახტში დარღვევები გამოავლინა
ტყიბულის შახტში მომხდარ ფაქტზე გამოძიება სსკ-ის 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.
წყარო: „მთავარი არხი“
ყველა ახალი ამბავი
0